மது போதையில் தகராறு: முதியவா் கைது

கருங்கல் அருகே உள்ள இனயம் பகுதியில் மதுபோதையில் தகராறு செய்ததாக முதியவா் கைது செய்யப்பட்டாா்.

கருங்கல் சுற்றுவட்டாரப் பகுதிகளில் கருங்கல் போலீஸாா் ஞாயிற்றுக்கிழமை ரோந்து பணியில் ஈடுபட்டனா். அப்போது இனயம் பகுதியில் அதே பகுதியைச் சோ்ந்த ஆன்றனி (62) என்பவா், மது போதையில் பொதுமக்களுக்கு இடையூறாக தகராறில் ஈடுபட்டாராம்.

போலீஸாா் எச்சரித்தும் அவா் போகவில்லையாம். இது குறித்த புகாரின் பேரில் கருங்கல் போலீஸாா் வழக்குப் பதிந்து, ஆன்றனியை கைது செய்தனா்.