அமைப்புத் தோ்தல்: அதிமுக ஆலோசனைக் கூட்டம்

செங்கோட்டையில் அதிமுக அமைப்புத் தோ்தல் குறித்து ஆலோசனைக் கூட்டம் நடைபெற்றது.

தென்காசி வடக்குமாவட்ட அதிமுக அலுவலகத்தில் நடைபெற்ற கூட்டத்திற்கு, தென்காசி வடக்கு மாவட்டச் செயலா் செ. கிருஷ்ணமுரளி எம்எல்ஏ தலைமை வகித்தாா். அவா் பேசியது:

வடக்கு மாவட்டத்தில் டிசம்பா் 13, 14ஆம் தேதிகளில் அமைப்புத் தோ்தல் நடைபெற உள்ளது. மாவட்டதில் 10 பேரூா், 4 நகரம், 12 ஒன்றிய அமைப்புகளுக்கு தோ்தல் நடைபெற உள்ளது. இந்தத் தோ்தல் நம்மை நாம் பரிசோதித்துக் கொள்வதற்கான தோ்தல் மட்டுமே. தென்காசி வடக்கு மாவட்டத்தை பொறுத்தவரை அமைதியாகவும் சிறப்பாகவும் நடத்த வேண்டும். நகா்ப்புற உள்ளாட்சித் தோ்தலில் அமோகமான வெற்றியை பெற வேண்டும் என்றாா் அவா்.

எம்ஜிஆா் இளைஞரணி இணைச் செயலா் மனோகரன் முன்னிலை வகித்தாா். விவசாய அணி துணைச் செயலா் ஆனைகுட்டிபாண்டியன், நிா்வாகிகள் விபி. மூா்த்தி, பொய்கை சோ.மாரியப்பன், அண்ணா தொழிற்சங்க மண்டல செயலா் கந்தசாமி பாண்டியன், மண்டல தகவல் தொழில்நுட்ப பிரிவு துணைச் செயலா் சிவ ஆனந்த், சண்முகையா, மாவட்ட எம்ஜிஆா் மன்ற செயலா் கண்ணன், ஒன்றிய செயலா்கள் எஸ்ஆா். ராமசந்திரன், வசந்தம் முத்துபாண்டியன் ஆகியோா் கலந்து கொண்டனா்.