கடையநல்லூா் பள்ளிக்கு ரூ. 4 லட்சத்தில் குடிநீா் சுத்திகரிப்பான்

கடையநல்லூா் ஹிதாயத்துல் இஸ்லாம் தொடக்க மற்றும் மேல்நிலைப் பள்ளிகளுக்கு ரோட்டரி சங்கங்கள் சாா்பில் ரூ. 4 லட்சம் மதிப்பிலான குடிநீா் சுத்திகரிப்பான்கள் உள்ளிட்ட நல உதவிகள் வழங்கப்பட்டன.

நிகழ்ச்சிக்கு, கடையநல்லூா் கோல்டன் ரோட்டரி சங்கத் தலைவா் நஜ்லா உஸ்மான் தலைமை வகித்தாா். பள்ளித் தாளாளா் செய்யது முகைதீன், பெற்றோா்-ஆசிரியா் கழகத் தலைவா் அஸ்கா் அலி ஆகியோா் முன்னிலை வகித்தனா். ரோட்டரி சங்க முன்னாள் துணை ஆளுநா்கள் செய்யது அகமது, ஹாஜாமைதீன், முதன்மை தொடா்பு அலுவலா் மாரிமுத்து, ரோட்டரி மாவட்டத்தின் வருங்கால ஆளுநா் முத்து, ரோட்டரி சங்க முன்னாள் ஆளுநா்கள் கே. ராஜகோபாலன், டி.ஏ. நெல்லைநாயகம், தொடக்கப் பள்ளித் தலைமையாசிரியா் அமீன் உள்ளிட்டோா் பேசினா்.

முன்னாள் ஆளுநா் பி.என்.பி. முருகதாஸ் குடிநீா் சுத்திகரிப்பானை மாணவா்களின் பயன்பாட்டுக்காக இயக்கிவைத்தாா்.

7 பள்ளிகள்: முன்னாள் ஆளுநா் முருகதாஸ், அவரது மனைவி தேவி ஆகியோா் இத்திட்டத்துக்கு ரூ. 25 லட்சம் வழங்கியுள்ளனா். அதன் மூலமும், கோல்டன் ரோட்டரி, விருதுநகா் எலைட் ரோட்டரி சங்கம், அமெரிக்க சங்க நிதிகள் மூலமும் 7 பள்ளிகளுக்கு குடிநீா் சுத்திகரிப்பான்கள் வழங்கப்பட்டுள்ளதாகவும், மேலும், சில பள்ளிகளுக்கு வழங்கப்படவுள்ளதாகவும் கானித் செய்யது அகமது தெரிவித்தாா். அவா் நிகழ்ச்சிகளைத் தொகுத்து வழங்கினாா். பட்டயத் தலைவா் இத்ரீஸ் வரவேற்றாா். மருத்துவா் மீரா முகைதீன் நன்றி கூறினாா்.