விஜய் வீட்டுக் கதவைத் தட்டினார் இபிஎஸ்: ஓ. பன்னீர்செல்வம்ரம்ஜான் கொண்டாட்டத்தை மேலும் இரட்டிப்பாக்கும் தங்கம் விலை நிலவரம்!அதிமுகவின் முதலாளிகள் பாஜகவும் அமித் ஷாவும்தான்: ஜோதிமணி எம்.பி.கத்தார் எரிவாயு விநியோகம் பாதிப்பு! இந்தியாவிலும் 5 ஆண்டுகளுக்கு பாதிப்பா?ரமலான் திருநாள்! குடியரசுத் தலைவர், பிரதமர் வாழ்த்து!ஈரான் போர்! நேட்டோ அமைப்புக்கு தைரியமில்லை: டிரம்ப்‘ஏஐ’ நுட்பத்தில் தலைவா்களை தவறாக சித்திரிக்கத் தடை: தோ்தல் ஆணையம் எச்சரிக்கை6 ஆண்டுகளுக்குப் பிறகு இந்தியா-சீனா இடையே எல்லை வா்த்தகம்புதிய வருமான வரிச் சட்டம் ஏப்ரல் 1 முதல் அமல்: விதிகளை அறிவிக்கை செய்தது சிபிடிடி
/

கடையநல்லூா் நகராட்சி: போட்டியின்றி தலைவா், துணைத் தலைவா் தோ்வு

கடையநல்லூா் நகராட்சியில் தலைவா், துணைத் தலைவா் போட்டியின்றி தோ்வு செய்யப்பட்டனா்.

News image
Updated On :4 மார்ச் 2022, 7:39 pm

DIN

கடையநல்லூா் நகராட்சியில் தலைவா், துணைத் தலைவா் போட்டியின்றி தோ்வு செய்யப்பட்டனா்.

கடையநல்லூா் நகராட்சியில் 33 வாா்டுகள் உள்ளன. இதில், திமுக 15 வாா்டுகளிலும், அதிமுக 5 வாா்டுகளிலும், பாஜக 3 வாா்டுகளிலும், முஸ்லிம் லீக் 5 வாா்டுகளிலும் ,எஸ்டிபிஐ ஒரு வாா்டிலும், அமமுக ஒரு வாா்டிலும், சுயேச்சைகள் 3 வாா்டுகளிலும் வெற்றி பெற்றுள்ளனா். இந்நிலையில், திமுக சாா்பில் 25ஆவது வாா்டு உறுப்பினா் ஹபிபுர்ரஹ்மான் , தலைவா் வேட்பாளராக அறிவிக்கப்பட்டாா். அதிமுக சாா்பில் 2 ஆவது வாா்டு உறுப்பினா் பூங்கோதை, போட்டியிடுவதாக இருந்தது. இதனால், வாக்குப் பெட்டிகள் வைக்கப்பட்டிருந்தன. ஆனால், ஹபிபுா் ரஹ்மான் மட்டுமே வேட்பு மனுத்தாக்கல் செய்ததால் அவா் போட்டியின்றி தோ்வு செய்யப்பட்டதாக ஆணையா் ரவிச்சந்திரன் அறிவித்தாா்.

இதே போல், துணைத் தலைவராக ராஜையா(திமுக) போட்டியின்றி தோ்வு செய்யப்பட்டாா். 31 ஆவது வாா்டு உறுப்பினரான இவா், ஏற்கெனவே, கடையநல்லூா் நகா்மன்ற துணைத் தலைவராக இருந்தவா் என்பது குறிப்பிடத்தக்கது.

வெற்றி பெற்ற தலைவா், துணைத் தலைவா் இருவருக்கும், தென்காசி வடக்கு மாவட்ட திமுக பொறுப்பாளா் செல்லத்துரை மற்றும் நகா்மன்ற உறுப்பினா்கள் வாழ்த்து தெரிவித்தனா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.