குற்றாலம் அருவிகளில் வெள்ளப்பெருக்கு தணிந்தது

குற்றாலம் அருவிகளில் வெள்ளப்பெருக்கு ஞாயிற்றுக்கிழமை குறைந்ததையடுத்து சுற்றுலாப் பயணிகள் குளிக்க அனுமதிக்கப்பட்டனர்.
குற்றாலம் பகுதியில் சனிக்கிழமை அதிகாலை முதல் பெய்த தொடர் மழையின் காரணமாக பேரருவி, ஐந்தருவி, பழைய குற்றாலம் அருவிகளில் வெள்ளப்பெருக்கு ஏற்பட்டது. இதையடுத்து, சனிக்கிழமை நாள் முழுவதும் அருவிகளில் சுற்றுலாப் பயணிகள் குளிக்க போலீஸார் தடைவிதித்தனர். ஞாயிற்றுக்கிழமை வெள்ளப்பெருக்கு குறைந்ததையடுத்து பேரருவி உள்ளிட்ட அனைத்து அருவிகளிலும் குளிக்க அனுமதிக்கப்பட்டனர். இதனால்,  ஆர்ப்பரித்துக் கொட்டும் தண்ணீரில் கூட்ட நெரிசலின்றி சுற்றுலாப் பயணிகள் உற்சாகமாக குளித்து மகிழ்ந்தனர்.