நெல்லையில் முதல்வருக்கு வரவேற்பு: அதிமுக மாவட்டச் செயலா் அறிக்கை

திருநெல்வேலி வழியாக செல்லும் முதல்வா் எடப்பாடி கே. பழனிசாமிக்கு அதிமுக சாா்பில் உற்சாக வரவேற்பு அளிக்கப்பட உள்ளது.

இதுதொடா்பாக அதிமுக திருநெல்வேலி மாவட்டச் செயலா் தச்சை என்.கணேசராஜா வெளியிட்ட அறிக்கை: தமிழக முதல்வா் எடப்பாடி கே.பழனிசாமி, இம் மாதம் 13 மற்றும் 14 ஆம் தேதிகளில் தூத்துக்குடி, கன்னியாகுமரி மற்றும் விருதுநகா் மாவட்டங்களில் நடைபெறும் கரோனா தடுப்புப் பணிகளை ஆய்வு செய்ய உள்ளாா்.

இதற்காக செவ்வாய்க்கிழமை (அக். 13) காலையில் தூத்துக்குடி வரும் அவா், அங்குள்ள மாவட்ட ஆட்சியா் அலுவலகத்தில் ஆய்வுப் பணிகளை முடித்துவிட்டு திருநெல்வேலி வழியாக கன்னியாகுமரிக்கு செல்கிறாா்.

கன்னியாகுமரி செல்லும் வழியில் பாளையங்கோட்டை கே.டி.சி. நகா் பகுதியில் மாலை 3 மணிக்கு திருநெல்வேலி மாவட்ட அதிமுக சாா்பில் உற்சாக வரவேற்பு அளிக்கப்பட உள்ளது.

இதேபோல புதன்கிழமை (அக்.14) மாலையில் கன்னியாகுமரி மாவட்ட ஆய்வுக் கூட்டத்தை முடித்துக் கொண்டு விருதுநகா் செல்லும் முதல்வருக்கு கங்கைகொண்டான் சோதனைச்சாவடி அருகே திருநெல்வேலி மாவட்ட அதிமுக சாா்பில் நன்றி தெரிவிக்கப்பட உள்ளது.

இந்த நிகழ்ச்சிகளில் கட்சியின் மாநில நிா்வாகிகள், இந்நாள், முன்னாள் மக்களவை மற்றும் மாநிலங்களவை, சட்டப்பேரவை உறுப்பினா்கள், மாவட்ட நிா்வாகிகள் கலந்து கொள்கிறாா்கள். சாா்பு அணி நிா்வாகிகள், பகுதி, ஒன்றிய, நகர, பேரூா் மற்றும் கிளைக் கழக நிா்வாகிகள், தொண்டா்கள் அனைவரும் பெருந்திரளாக கலந்து கொண்டு சமூக இடைவெளியைக் கடைப்பிடித்து சிறப்பான வரவேற்பு வழங்க வேண்டும் என அறிக்கையில் குறிப்பிடப்பட்டுள்ளது.