பாளை. அருகே இளைஞரிடம் ரூ.66 ஆயிரம் மோசடி

 பாளையங்கோட்டையில் இளைஞரிடம் ரூ. 66 ஆயிரம் மோசடி செய்த மா்ம நபரை மாவட்ட சைபா் கிரைம் போலீஸாா் தேடி வருகின்றனா்.

பாளையங்கோட்டை கேடிசி நகா் பகுதியைச் சோ்ந்தவா் நித்யானந்தம் (31). இவா் அந்த பகுதியில் உள்ள ஒரு அடுக்குமாடி குடியிருப்பில் மேற்பாா்வையாளராக வேலை பாா்த்து வருகிறாா். இந்த நிலையில் நித்யானந்தம் ஒரு இணையதளத்தில், அடுக்கு மாடி குடியிருப்பில் வீடு வாடகைக்கு உள்ளது என்று விளம்பரம் செய்தாராம். கடந்த சில நாள்களுக்கு முன்பு அவரது கைப்பேசியில் தொடா்பு கொண்ட நபா், தான் ரயில்வே போலீஸில் வேலை செய்வதாகவும், திருநெல்வேலி மாவட்டத்திற்கு மாறுதலாகி வருவதால் தனக்கு வாடகைக்கு வீடு வேண்டும் எனக் கேட்டாராம். பின்னா், இதற்கான வாடகைக்கான வைப்புத் தொகையை தங்களுக்கு கூகுள் பே மூலம் அனுப்பி வைக்கிறேன், தாங்கள் எனக்கு ஒரு ரூபாய் அனுப்பி வையுங்கள் என்றாராம்.

இதனை உண்மை என்று நம்பிய நித்யானந்தம், அந்த நபரின் கூகுள் பே எண்ணுக்கு ஒரு ரூபாய் அனுப்பினாராம்.

அதன் பின்னா் அந்த நபா், நித்யானந்தத்தின் எண்ணுக்கு ஒரு லிங்கை அனுப்பி, லிங்கில் உள்ள ரிசீவ்ட் என்ற பட்டனை கிளிக் செய்ய கூறினாராம். உடனே நித்யானந்தம் அந்த லிங்கில் உள்ளே ரிசீவ்டு என்று இருந்ததை கிளிக் செய்ததாராம். சற்று நேரத்தில் நித்யானந்தம் வங்கி கணக்கில் இருந்து ரூ. 66 ஆயிரம் எடுக்கப்பட்டுள்ளதாக குறுந்தகவல் வந்ததாம்.

அப்போது, தான் ஏமாற்றப்பட்டதையறிந்த நித்யானந்தம், மாவட்ட சைபா் கிரைம் போலீஸில் புகாா் அளித்தாா். அதன்பேரில் காவல் உதவி ஆய்வாளா் ராஜரத்தினம் வழக்குப் பதிவு செய்து, மோசடியில் ஈடுபட்ட நபரைத் தேடி வருகின்றனா்.