பணகுடி அருகே இளைஞா் கொலை வழக்கில் 5 பேருக்கு ஆயுள் சிறை

திருநெல்வேலி மாவட்டம் பணகுடி அருகேயுள்ள தெற்கு வள்ளியூரில் நிகழ்ந்த கொலை தொடா்பான வழக்கில் 5 பேருக்கு ஆயுள் தண்டனை விதித்து, மாவட்ட முதலாவது கூடுதல் அமா்வு நீதிமன்றம் வியாழக்கிழமை தீா்ப்பளித்தது.

தெற்கு வள்ளியூா் வடக்குத் தெருவைச் சோ்ந்த மாடசாமி மகன் முத்துராமன் (32), அதே பகுதியைச் சோ்ந்த தங்கவேல் (55) ஆகிய இருவருக்கும் கடந்த 2020 ஆம் ஆண்டு தகராறு ஏற்பட்டதாம். அப்போது, தங்கவேல், அதே பகுதியைச் சோ்ந்த முருகன் மகன் முத்துராமன் (34), ராம்குமாா் (32), தில்லை சண்முகம் (29), குணசேகரன் (25) ஆகியோா் சோ்ந்து முத்துராமனை வெட்டிக்கொலை செய்தனராம். பணகுடி போலீஸாா் வழக்குப்பதிந்து 5 பேரையும் கைது செய்தனா்.

திருநெல்வேலி மாவட்ட முதலாவது கூடுதல் அமா்வு நீதிமன்றத்தில் நடைபெற்று வந்த இந்த வழக்கை நீதிபதி பத்மநாபன் விசாரித்து தங்கவேல், முருகன் மகன் முத்துராமன், ராம்குமாா், தில்லை சண்முகம், குணசேகரன் ஆகியோருக்கு ஆயுள் சிறை தண்டனை விதித்து தீப்பளித்தாா்.