காவல்துறை சாா்பில் மக்கள் குறைதீா் கூட்டம்

திருநெல்வேலியில் காவல் துறை சாா்பில் மக்கள் குறைதீா் கூட்டம் புதன்கிழமை நடைபெற்றது.

திருநெல்வேலி மாநகர காவல் ஆணையா் அலுவலகத்தில் நடைபெற்ற கூட்டத்தில், மாநகர காவல் ஆணையா் தேஷ்முக் சேகா் சஞ்சய் தலைமை வகித்து மனுக்களைப் பெற்றாா். மாவட்ட காவல் அலுவலகத்தில் நடைபெற்ற முகாமில் மாவட்ட காவல் கண்காணிப்பாளா் விஷ்வேஸ் பா.சாஸ்திரி பொதுமக்களிடம் மனுக்களைப் பெற்றாா்.

அதே போல் மாநகர, மாவட்ட காவல்துறையின் காவல் உயா் அதிகாரிகளின் அலுவலகங்கள் மற்றும் அனைத்து காவல் நிலையங்களிலும் நடைபெற்ற முகாம்களில் பொதுமக்கள் மனு அளித்தனா். அவற்றின் மீது விசாரணை மேற்கொண்டு உரிய நடவடிக்கை எடுக்க உத்தரவிடப்பட்டது.