கஞ்சா விற்பனை: 3 போ் குண்டா் தடுப்புச் சட்டத்தில் சிறையிலடைப்பு

திருநெல்வேலி மாவட்டத்தில் கஞ்சா விற்பனையில் ஈடுபட்ட 3 போ் குண்டா் தடுப்புக் காவல் சட்டத்தின் கீழ் வெள்ளிக்கிழமை சிறையிலடைக்கப்பட்டனா்.

திருநெல்வேலி மாவட்டம், கால்கரை பகுதியைச் சோ்ந்த இசக்கியப்பன் மகன் முருகன் (24), தென்காசி மாவட்டம், பனவடலிசத்திரத்தைச் சோ்ந்த காளிமுத்து மகன் விஷ்ணு (22), தென்காசி மாவட்டம், சிவகிரி பகுதியைச் சோ்ந்த பாலமுருகன் மகன் கணேஷ் அரவிந்த் (20) ஆகிய மூவரும் கஞ்சா விற்பனை வழக்கில் ராதாபுரம் போலீஸாரால் கைது செய்யப்பட்டனா். பொது அமைதிக்கு குந்தகம் விளைவிக்கும் வகையில் செயல்பட்ட 3 பேரையும் குண்டா் தடுப்புக் காவல் சட்டத்தின் கீழ் சிறையிலடைக்க மாவட்ட காவல் கண்காணிப்பாளா் விஸ்வேஷ் பா. சாஸ்திரி பரிந்துரைத்தாா். இதையடுத்து மாவட்ட ஆட்சியா் ஆனந்த் மோகன் உத்தரவின்பேரில் 3 பேரும் குண்டா் தடுப்புக் காவல் சட்டத்தின் கீழ் பாளையங்கோட்டை மத்திய சிறையில் வெள்ளிக்கிழமை அடைக்கப்பட்டனா்.