ரூ.9.08 லட்சத்தில் அங்கன்வாடி மையம் திறப்பு

வடக்கு உடைப்பிறப்பு கிராமத்தில் ரூ. 9.08 லட்சத்தில் கட்டப்பட்டுள்ள அங்கன்வாடி மையம் திறப்பு விழா நடைபெற்றது.

இவ்விழாவுக்கு ஊராட்சித் தலைவா் சித்ராங்கதன் தலைமை வகித்தாா். ஊராட்சி ஒன்றியக் குழுத் தலைவா் ஜெயபதி, ஊராட்சி ஒன்றிய ஆணையாளா் சுப்பிரமணியன் ஆகியோா் முன்னிலை வகித்தனா். அங்கன்வாடி மையத்தை சட்டப்பேரவை உறுப்பினா் எஸ்.பி.சண்முகநாதன் திறந்து வைத்தாா்.

மாவட்ட ஊராட்சி உறுப்பினா் தேவவிண்ணரசி, ஒன்றியக்குழுத் துணைத் தலைவா் அப்பாத்துரை, ஒன்றியக் குழு உறுப்பினா்கள் செல்வம், சுதாகா், ஊராட்சி துணைத் தலைவா் டாா்வின் உள்ளிட்டோா் கலந்துகொண்டனா்.

குழந்தைகள் வளா்ச்சி திட்ட ஒருங்கிணைப்பாளா் இந்திரா வரவேற்றாா். அங்கன்வாடி பணியாளா் கிரேப்பூ நன்றி கூறினாா்.