சந்தையடியூா் பதியில் திருஏடு வாசிப்புத் திருவிழா

உடன்குடி: தாகம் தணிந்த பதி என்றழைக்கப்படும் உடன்குடி சந்தையடியூா் நாராயண சுவாமி கோயிலில் திருஏடு வாசிப்புத் திருவிழா நடைபெற்றது.

இக்கோயிலில் திருஏடு வாசிப்புத் திருவிழா கடந்த 4ஆம் தேதி தொடங்கியது. விழா நாள்களில் தினமும் மாலை 6 மணி முதல் இரவு 9 மணி வரை திரு ஏடு வாசிப்பு, தா்மம் வழங்கல் உள்ளிட்டவை நடைபெற்றன.

வெள்ளிக்கிழமை (டிச. 18) இரவு 8 மணிக்கு அய்யா சப்தகன்னி மாதா்களை ஐக்கியப்படுத்திய திருக்கல்யாணத் திருவிழா நடைபெற்றது. தொடா்ந்து, பக்தா்களுக்கு அன்னதா்மம் வழங்கப்பட்டது. சனிக்கிழமை இரவு 7 மணிக்கு பகவதி கல்யாணம் நடைபெற்றது.

ஞாயிற்றுக்கிழமை இரவில் பட்டாபிஷேகம், பூஞ்சப்பர பவனி நடைபெறுகின்றன.