அரசுப் பள்ளி சத்துணவில் பல்லி: மாணவர்கள் மருத்துவமனையில் அனுமதி!நவாஸ்கனி எம்.பி.க்கு எதிரான வழக்கை திரும்பப் பெற ஓ.பன்னீர்செல்வம் முடிவுதென் தமிழகத்தில் இன்று மழைக்கு வாய்ப்புதமிழகத்தில் சமையல் எரிவாயு சிலிண்டர்களுக்கு தட்டுப்பாடுபிரதமர் மோடி இன்று திருச்சி வருகை! ரூ. 5,650 கோடி திட்டங்களை தொடங்கி வைக்கிறார்!மின்மாற்றிகள் கொள்முதலில் ரூ.397 கோடி ஊழல் இல்லை: டான்ஜெட்கோ நேரடி பணி நியமனங்களில் ஓபிசி பிரிவினருக்கு 27% இடஒதுக்கீடு அமல்: மத்திய அரசு!
/

சாத்தான்குளத்தில் மேல்நிலை நீா்த் தேக்க தொட்டிக்கு அடிக்கல்

சாத்தான்குளம் பேரூராட்சியில் மக்களவை உறுப்பினா் தொகுதி மேம்பாட்டு நிதி ரூ. 75 லட்சம் மதிப்பில் 5 லட்சம் லிட்டா் கொள்ளளவு கொண்ட மேல்நிலை நீா்த் தேக்கத் தொட்டி மற்றும் குடிநீா் விஸ்தரிப்பு திட்டப் பணி 

News image
விழாவில் பேசுகிறாா் கனிமொழி எம்பி.
Updated On :9 ஜனவரி 2021, 7:52 pm

DIN

சாத்தான்குளம்: சாத்தான்குளம் பேரூராட்சியில் மக்களவை உறுப்பினா் தொகுதி மேம்பாட்டு நிதி ரூ. 75 லட்சம் மதிப்பில் 5 லட்சம் லிட்டா் கொள்ளளவு கொண்ட மேல்நிலை நீா்த் தேக்கத் தொட்டி மற்றும் குடிநீா் விஸ்தரிப்பு திட்டப் பணி தொடக்க விழா சனிக்கிழமை நடைபெற்றது.

தூத்துக்குடி தெற்கு மாவட்ட திமுக செயலா் அனிதா ஆா். ராதாகிருஷ்ணன் எம்எல்ஏ தலைமை வகித்தாா். பேரூராட்சி செயல் அலுவலா் உஷா, உதவி பொறியாளா் சண்முகநாதன் ஆகியோா் முன்னிலை வகித்தனா் . பேரூராட்சி முன்னாள் தலைவா் ஜோசப் வரவேற்றாா். இப்பணிக்கு கனிமொழி எம்பி அடிக்கல் நாட்டி தொடங்கிவைத்தாா்.

அப்போது, மத்திய அரசுப் பணிகளுக்கான தோ்வு மையம் தூத்துக்குடி அல்லது திருநெல்வேலியில் அமைக்க நடவடிக்கை எடுக்க வேண்டுமென கல்லூரி மாணவிகள் அவரிடம் மனு அளித்தனா்.

நிகழ்ச்சியில், மாநில மாணவரணி துணைச் செயலா் உமரிசங்கா், திமுக மாவட்ட அவைத் தலைவா் அருணாசலம், மாவட்ட இளைஞரணி அமைப்பாளா் ராமஜெயம், தலைமை செயற்குழு உறுப்பினா் பில்லாஜெகன் உள்பட பலா் கலந்துகொண்டனா். நகர திமுக செயலா் மகா. இளங்கோ நன்றி கூறினாா்.

பின்னா் எம்பி, செய்தியாளா்களிடம் கூறுகையில், பொள்ளாச்சி சம்பவத்தில் ஈடுபட்ட அனைவருமே தண்டிக்கப்பட வேண்டும் என்பதுதான் திமுகவின் நிலைப்பாடு என்றாா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.