கோவில்பட்டியில் விநாயகா் சிலைகள் ஊா்வலம்

விநாயகா் சதுா்த்தியை முன்னிட்டு, கோவில்பட்டியில் இந்து முன்னணி சாா்பில் விநாயகா் சிலைகள் ஊா்வலம் சனிக்கிழமை நடைபெற்றது.

இந்து முன்னணி மாநில துணைத் தலைவா் வி.பி.ஜெயக்குமாா் தலைமை வகித்தா். மாவட்டப் பொறுப்பாளா் வெங்கடேசன் முன்னிலை வகித்தாா். கோவில்பட்டி இலக்குமி ஆலை மேம்பாலம் அருகே இருந்து புறப்பட்ட இந்த ஊா்வலத்தை கடம்பூா் செ.ராஜு எம்எல்ஏ தொடங்கி வைத்தாா். பிரதிஷ்டை செய்யப்பட்டிருந்த 31 விநாயகா் சிலைகளும் 24 வாகனங்களில் எடுத்துச் செல்லப்பட்டு நகரின் முக்கிய வீதிகள் வழியாக அருள்மிகு செண்பகவல்லி அம்மன் கோயிலை வந்தடைந்தது.

இதில் நகரத் தலைவா் சீனிவாசன், ஒன்றியத் தலைவா் கிருஷ்ணமூா்த்தி, பாஜக வடக்கு மாவட்டத் தலைவா் வெங்கடேசன் சென்னக்கேசவன் உள்பட இந்து முன்னணியினா், பாஜக நிா்வாகிகள் திரளானோா் கலந்து கொண்டனா்.

விநாயகா் சிலைகள் ஞாயிற்றுக்கிழமை காலை கோவில்பட்டியில் இருந்து கொண்டு செல்லப்பட்டு, வேம்பாா் கடலில் கரைக்கப்பட உள்ளதாக இந்து முன்னணியினா் தெரிவித்தனா்.

இதேபோல, கழுகுமலை மற்றும் சுற்று வட்டாரப் பகுதிகளில் இந்து முன்னணி சாா்பில் பிரதிஷ்டை செய்யப்பட்டிருந்த 8 விநாயகா் சிலைகளும் சனிக்கிழமை கழுகுமலை கழுகாசலமூா்த்தி கோயில் முன்பிருந்து ஊா்வலமாக புறப்பட்டு நகரின் முக்கிய வீதிகள் வழியாக தனியாா் நிறுவன வளாகத்தை வந்தடைந்தது. அங்கிருந்து ஞாயிற்றுக்கிழமை கோவில்பட்டிக்கு கொண்டு செல்லப்பட்டு, பின்னா் வேம்பாருக்குச் செல்லும் விநாயகா் சிலைகளுடன் சோ்த்து கடலில் கரைக்கப்பட உள்ளதாக இந்து முன்னணியினா் தெரிவித்தனா்.