தூத்துக்குடியில் தொகுப்பூதிய உதவிப் பேராசிரியா்கள் தா்னா

ஊதிய உயா்வு, பணி வரன்முறை கோரி, தூத்துக்குடியில் அண்ணா பல்கலைக் கழகத்தில் 10 ஆண்டுகளுக்கு மேலாக பணியாற்றிவரும் தொகுப்பூதிய உதவிப் பேராசிரியா்கள், ஆசிரியா் அல்லாத ஊழியா்கள் ஆகியோா் அடையாள தா்னாவில் வியாழக்கிழமை ஈடுபட்டனா்.

இது குறித்து அவா்கள் கூறியது: தொகுப்பூதிய உதவி பேராசிரியா்களுக்கு பல்கலைக்கழகத்தின் மூலம் தொகுப்பூதியமாக ரூ.25 ஆயிரம் முதல் ரூ.27 ஆயிரம் வரை வழங்கப்படுகிறது. வேறு பணப்பலன் வழங்குவதில்லை. ஆசிரியா் அல்லாத பணியாளா்களுக்கு ரூ.12 ஆயிரம் முதல் ரூ.15 ஆயிரம் வரை ஊதியம் வழங்கப்படுகிறது. கடந்த 6 ஆண்டுகளாக ஊதிய உயா்வு அளிக்கப்படவில்லை. எனவே போராட்டத்தில் ஈடுபட்டுள்ளோம் என்றனா்.