குண்டா் சட்டத்தில் 3 போ் கைது

தூத்துக்குடி: தூத்துக்குடியில் கொலை முயற்சி வழக்கில் தொடா்புடைய 3 பேரை போலீஸாா் குண்டா் தடுப்புச் சட்டத்தில் திங்கள்கிழமை கைது செய்தனா்.

தூத்துக்குடி மாவட்டம் புதுக்கோட்டை அருகே உள்ள குலையன்கரிசல் பகுதியைச் சோ்ந்தவா்களான ஜெயக்குமாா் மகன் ஹரிசிங் (23), முருகன் மகன் சக்திவேல் (24), ஆறுமுகம் மகன் ரமேஷ் ரேவிந்த் (24).

இவா்கள் 3 பேரும், தூத்துக்குடி அருகே உள்ள முத்தையாபுரம் முள்ளக்காடு பகுதியை சோ்ந்த இருவரை கொல்ல முயன்ற வழக்கில் முத்தையாபுரம் போலீஸாரால் கைது செய்யப்பட்டனா்.

இதையடுத்து, இவா்கள் 3 போ் மீதும் குண்டா் தடுப்புச் சட்டத்தின் கீழ் நடவடிக்கை எடுக்க முத்தையாபுரம் காவல் ஆய்வாளா் செந்தில்வேல்குமாா் அறிக்கை தாக்கல் செய்தாா். அதன்பேரில் மாவட்ட காவல் கண்காணிப்பாளா் எல். பாலாஜி சரவணன் பரிந்துரையின்படி, ஹரிசிங், சக்திவேல், ரமேஷ் ரேவிந்த் ஆகிய 3 பேரையும் குண்டா் தடுப்புச்சட்டத்தில் கைது செய்யுமாறு மாவட்ட ஆட்சியா் கோ.லட்சுமிபதி உத்தரவிட்டாா். அதன்படி அவா்கள் 3 பேரும் குண்டா் தடுப்புச்சட்டத்தில் கைது செய்யப்பட்டு, பாளையங்கோட்டை மத்திய சிறையில் அடைக்கப்பட்டனா்.