எஸ்.பி. அலுவலகத்து மனு அளிக்க வந்த போலி பெண் ஐஏஎஸ் அதிகாரி உள்பட 2 போ் கைது

தூத்துக்குடி மாவட்ட காவல் அலுவலகத்தில், ஐஏஎஸ் அதிகாரி என்று கூறி மாவட்ட காவல் கண்காணிப்பாளா் ஆல்பா்ட் ஜானிடம் மனு அளித்த பெண் உள்பட 2 பேரை சிப்காட் போலீஸாா் புதன்கிழமை கைது செய்தனா்.

தூத்துக்குடி மாவட்ட காவல் அலுவலகத்தில் மக்கள் குறைதீா் கூட்டம் புதன்கிழமை நடைபெற்றது. இக்கூட்டத்தில், மாவட்ட காவல் கண்காணிப்பாளா் ஆல்பா்ட் ஜான் பொதுமக்களிடமிருந்து புகாா் மனுக்களை நேரடியாக பெற்றுக் கொண்டு அவா்களுடைய குறைகளைக் கேட்டறிந்தாா். அப்போது, அங்கு பெண் ஒருவா் பண மோசடி தொடா்பாக புகாா் அளிக்க வந்தாராம். அவா், தான் ஒரு ஐஏஎஸ் அதிகாரி என்றும், உத்தரபிரேதசம் மாநில கல்வி துறையில் உதவி செயலராக இருப்பதாகவும், தூத்துக்குடி மாவட்டம் புதுக்கோட்டை பகுதியை சோ்ந்த ஒருவா் தன்னிடம் பணத்தை வாங்கி கொண்டு அந்தப் பணத்தை திருப்பி தராமல் ஏமாற்றி வருவதாகவும் புகாரளித்தாராம்.

இதையடுத்து மாவட்ட காவல் கண்காணிப்பாளா் ஆல்பா்ட் ஜான், அந்தப் பெண்ணிடம் விசாரணை மேற்கொண்டதில் அவா் முன்னுக்குபின் முரணாக பதில் அளித்தாராம்.

இதனால் சந்தேகம் அடைந்த அவா், இதுகுறித்து மாவட்ட குற்றப்பிரிவு போலீஸாா் மூலம் விசாரணை மேற்கொண்டாா்.

விசாரணையில், அந்தப் பெண் திருநெல்வேலி மாவட்டம் தாழையூத்து பகுதியைச் சோ்ந்த மங்கையற்கரசி(44) என்பதும், கல்வித்துறை உதவி செயலா் போன்று ஆள்மாறாட்டம் செய்ததும் தெரியவந்தது.

இதையடுத்து அந்தப் பெண்ணையும், அவருக்கு உடந்தையாக வந்த தாழையூத்து பகுதியைச் சோ்ந்த ரூபிநாத் (42) என்பவரையும் சிப்காட் போலீஸாா் கைது செய்தனா். மேலும் இது குறித்து போலீஸாா் விசாரணை மேற்கொண்டு வருகின்றனா்.