டிஎம்பி அறக்கட்டளை சாா்பில் ரூ. 1.45 கோடியில் நீச்சல் குளம் திறப்பு

தூத்துக்குடி மாவட்ட விளையாட்டு மேம்பாட்டு ஆணைய மைதானத்தில், டிஎம்பி அறக்கட்டளையின் சமூகப் பொறுப்பு நிதி ரூ. 1.45 கோடி செலவில் அதிநவீன வசதிகளுடன் புதுப்பிக்கப்பட்ட நீச்சல் குளம் திறப்பு விழா வெள்ளிக்கிழமை நடைபெற்றது.

திறப்பு விழா நிகழ்ச்சிக்கு, டிஎம்பி அறக்கட்டளை நிா்வாக அறங்காவலா் சாலி எஸ். நாயா் தலைமை வகித்தாா். சமூக நலன் மற்றும் மகளிா் உரிமைத் துறை அமைச்சா் பி. கீதா ஜீவன், மாவட்ட ஆட்சியா் க. இளம்பகவத், மாநகராட்சி மேயா் ஜெகன் பெரியசாமி ஆகியோா் முன்னிலை வகித்தனா். மாவட்ட விளையாட்டு மற்றும் இளைஞா் நலன் அலுவலா் ஆ. ஜெயரத்தினராஜன் வரவேற்றாா்.

சிறப்பு விருந்தினராக கனிமொழி எம்.பி. கலந்துகொண்டு, நீச்சல் குளத்தை திறந்துவைத்து, மாணவா்களுக்கான பயிற்சியை கொடியசைத்து தொடங்கி வைத்தாா்.

அறக்கட்டளை தலைமை நிா்வாக அதிகாரி எம். முத்தையா, அதிகாரிகள் உள்ளிட்ட பலா் கலந்து கொண்டனா்.