திருச்சி மாநகர ஊா்க்காவல் படையில் 5 திருநங்கைகள்: பணி ஆணை வழங்கல்

திருச்சி மாநகர ஊா்க்காவல் படையில் புதிதாக இணைந்துள்ள 5 திருநங்கைகளுக்கு பணி நியமன ஆணைகளை மாநகரக் காவல் ஆணையா் ந. காமினி செவ்வாய்க்கிழமை வழங்கினாா்.

திருச்சி மாநகரக் காவல்துறை சாா்பில் 15 நாள்கள் பயிற்சி முடித்த 5 திருநங்கைகளுக்கு பணி நியமன ஆணைகளை ந. காமினி வழங்கினாா். பின்னா், அவா் கூறுகையில், திருநங்கைகளுக்கு உரிய விழிப்புணா்வையும், சம வாய்ப்பை வேலைவாய்ப்புகளில் வழங்குவதன் மூலம் அவா்களுக்கு கண்ணியமான வாழ்வை உறுதி செய்ய முடியும். காவல்துறையில் 2017-இல் முதல் திருநங்கை பணியில் சோ்க்கப்பட்டாா்.

தற்போது, ஊா்காவல் படையில் சோ்க்கப்பட்டுள்ள திருநங்கையா்கள் காவல்துறையினருடன் இணைந்து போக்குவரத்து மேலாண்மை, பேரிடா் மேலாண்மையில் உதவி, கூட்டக் கட்டுப்பாடு, பண்டிகை, கோயில் திருவிழாக் காலங்களில் கூட்ட நெரிசலைக் கட்டுப்படுத்துதல் போன்ற பணிகளை மேற்கொள்ளும் வகையில் பணியாற்றுவா் என்றாா் ஆணையா்.

இந்த நிகழ்வில், ஊா்க்காவல் படையின் பொறுப்பு அதிகாரி பொற்செல்வி, ஏரியா கமாண்டா் ராஜா ஆகியோா் கலந்து கொண்டனா்.