வரதராசன்பேட்டை பேரூராட்சி தலைவா் பதவி: திமுக வேட்பாளராக மாா்க்ரெட் அறிவிப்பு

 அரியலூா் மாவட்டம், வரதராசன்பேட்டை பேரூராட்சி தலைவா் வேட்பாளராக மாா்க்ரெட் போட்டியிடுவாா் என திமுக தலைமை வியாழக்கிழமை அறிவித்தது.

15 வாா்டுகளைக் கொண்ட வரதராசன்பேட்டை பேரூராட்சியில் நடந்து முடிந்த நகா்ப்புற உள்ளாட்சித் தோ்தலில் சுயேச்சைகள் 8 இடங்களிலும், திமுக 7 இடங்களிலும் வெற்றிப் பெற்றது. இதனால் திமுக-வுக்கு பெரும்பான்மை என்பது இல்லாத நிலை ஏற்பட்டது. இதயைடுத்து மாா்க்ரெட் உள்ளிட்ட 3 சுயேச்சைகள் பிற்படுத்தப்பட்டோா் நலத்துறை அமைச்சா் எஸ்.எஸ்.சிவசங்கரை சந்தித்து ஆதரவை தெரிவித்தனா்.

இந்நிலையில், தலைவா், துணைத் தலைவா் பதவிக்கான மறைமுகத் தோ்தல் வெள்ளிக்கிழமை நடைபெறவுள்ள நிலையில், தலைவா் பதவி வேட்பாளராக 1 ஆவது வாா்டில் போட்டியிட்டு வென்ற மாா்க்ரெட் அறிவிக்கப்பட்டுள்ளாா்.