தேவர்மலையில்  மக்கள் தொடர்பு முகாம்

தேவர்மலை கிராமத்தில் வெள்ளிக்கிழமை (செப்.14) காலை 10.30-க்கு மக்கள் தொடர்பு திட்ட முகாம் நடைபெறவுள்ளது.
கரூர் மாவட்டம், கடவூர் வட்டம், மைலம்பட்டி குறுவட்டத்திற்குட்பட்ட  தேவர்மலை கிராமத்தில் மாவட்ட வருவாய் அலுவலர் ச. சூர்யபிரகாஷ்  தலைமையில் நடைபெறும் முகாமில் பல்வேறு அரசுத் துறை  அலுவலர்கள் பங்கேற்று தங்களது துறை சார்ந்த  நலத்திட்ட உதவிகள் பெறுவது குறித்து பொதுமக்களுக்கு எடுத்துரைக்க உள்ளனர்.  
மேலும் மருத்துவ முகாம், அரசுத்துறை சார்பாக கண்காட்சி ஆகியவை நடைபெற உள்ளன. எனவே, தேவர்மலை கிராம  பொதுமக்கள் அனைவரும் முகாமில் பங்கேற்குமாறு மாவட்ட வருவாய் அலுவலர் ச. சூர்யபிரகாஷ் கேட்டுக்கொண்டுள்ளார்.