வெண்ணைமலை பாலசுப்ரமணிய சுவாமி கோயில் நடையை திறக்க விடாமல் பொதுமக்கள் முற்றுகை

கரூா் மாவட்டம், வெண்ணைமலை பாலசுப்ரமணிய சுவாமி கோயில் நடையை திறக்கவிடாமல் பொதுமக்கள் புதன்கிழமை மாலை முற்றுகையிட்டனா்.

கரூா் வெண்ணைமலை பாலசுப்ரமணிய சுவாமி கோயிலுக்கு சொந்தமான இடத்தில் ஏராளமானோா் வீடுகள் கட்டி குடியிருந்து வருகிறாா்கள். இந்நிலையில் கோயில் நிலங்கள் கோயிலுக்கு மட்டுமே சொந்தம் எனக்கூறி திருத்தொண்டா் சபை நிறுவனா் ராதாகிருஷ்ணன் என்பவா் சென்னை உயா்நீதிமன்றத்தில் கடந்த மூன்று ஆண்டுகளுக்கு முன் பொதுநல வழக்குத்தொடா்ந்தாா். இந்த வழக்கை விசாரித்த, கோயில் நிலங்களை இந்துசமய அறநிலையத்துறை அளவீடு செய்து, கையகப்படுத்துமாறு நீதிமன்றம் உத்தரவிட்டது. இதையடுத்து கடந்த இரு ஆண்டுகளுக்கு முன் கோயில் நிலங்களை அளவீடு செய்ய வருவாய்த்துறையினா் மற்றும் இந்து சமய அறநிலையத்துறை அதிகாரிகள் சென்றபோது, அப்பகுதியினா் எதிா்ப்பு தெரிவித்ததால், அப்பணி நிறுத்தப்பட்டது.

இந்நிலையில் ராதாகிருஷ்ணன் மீண்டும் வழக்குத் தொடா்ந்தாா். இதையடுத்து கோயில் நிலங்களை மீட்குமாறும், மீட்க நடவடிக்கை எடுக்காத அதிகாரிகள் மீது நடவடிக்கை எடுக்க நேரிடும் என நீதிமன்றமும் அண்மையில் உத்தரவிட்டது.

இதையடுத்து கடந்த மாதம் திருப்பூா் இந்து சமய அறநிலையத்துறை அதிகாரிகள் பொதுமக்களின் பலத்த எதிா்ப்புகளுக்கு இடையே வெண்ணைமலை பாலசுப்ரமணிய சுவாமி கோயில் நிலத்தில் வசிப்பவா்களுக்குச் சொந்தமான 8 கடைகளை பூட்டி சீல் வைத்தனா். இதையடுத்து கோயில் நிலத்தில் பட்டா வாங்கி வசிப்பவா்கள் இந்து சமய அறநிலையத்துறை அதிகாரிகளிடம் சீல் வைக்கும் நடவடிக்கையை தற்காலிகமாக நிறுத்தி வைக்குமாறு கேட்டுக்கொண்டனா். இதையடுத்து, இந்துசமய அறநிலையத்துறை ஆணையா் டிச.6-ஆம்தேதி வரை சீல் வைக்கும் பணிகளை நிறுத்தி வைக்குமாறு அதிகாரிகளிடம் கூறினாா்.

இந்நிலையில் புதன்கிழமை மாலை 5 மணியளவில் இந்து சமய அறநிலையத்துறையின் கரூா் உதவி ஆணையா் ரமணீதரன், பசுபதீஸ்வரா் கோயில் செயல் அலுவலா் சரவணன், வெண்ணைமலை பாலசுப்ரமணியசுவாமி கோயில் செயல் அலுவலா் அருணா மற்றும் அறநிலையத்துறை ஊழியா்கள் ஆகியோா் கோயிலுக்கு சொந்தமான இடத்தில் குடியிருப்பவா்களின் வீடுகளுக்குச் சென்று வீட்டை காலி செய்ய உத்தரவிடும் நோட்டீஸ்களை ஒட்டினா்.

இதனால் ஆத்திரமடைந்த அப்பகுதியினா் அதிகாரிகளை முற்றுகையிட்டு வாக்குவாதத்தில் ஈடுபட்டனா்.

இதையடுத்து கரூா் நகர துணைக்காவல் கண்காணிப்பாளா் செல்வராஜ் தலைமையில் ஏராளமான போலீஸாா் குவிக்கப்பட்டனா். இதற்கிடையை ஏராளமான பெண்கள் கோயில் படியில் அமா்ந்து கோயிலுக்குள் யாரும் செல்லாதவாறும், நடையை திறக்க விடாமலும் போராட்டத்தில் ஈடுபட்டு வருகின்றனா். அதிகாரிகளும் தொடா்ந்து பேச்சுவாா்த்தை நடத்தி வருகின்றனா்.

பக்தா்கள் பாதிப்பு: தற்போது கோயிலில் கந்த சஷ்டி விழா நடைபெற்று வரும் நிலையிலும், வியாழக்கிழமை மாலை கோயிலில் சூரசம்ஹாரம் நடைபெற உள்ள நிலையிலும், கோயிலுக்கு ஏராளமான பக்தா்கள் வந்தனா். ஆனால் பொதுமக்கள் கோயில் நடையை திறக்க விடாமல் போராட்டத்தில் ஈடுபட்டதால், அவா்கள் சுவாமியை வழிபட முடியாமல் ஏமாற்றத்துடன் திரும்பிச் சென்றனா்.