பேரவைத் தோ்தல்: நீதிமன்றங்களுக்கு விடுமுறை அறிவிப்புஐபிஎல் : சன்ரைசர்ஸ் ஹைதராபாத் அணி அபார வெற்றி - கொல்கத்தாவை வீழ்த்தியதுதேசிய கட்சி என்பதால் வேட்பாளர்களை ஆய்வு செய்து இறுதி செய்வதில் தாமதம்: செல்வப்பெருந்தகை85% வேட்பாளர்களை இறுதி செய்துவிட்டோம்; நாளைக்குள் முழுப் பட்டியல் : செல்வப்பெருந்தகைகலவரம் செய்தால் சாதித்துவிட முடியும் என பாஜக நினைக்கிறது : கோவை பிரசாரத்தில் மு.க. ஸ்டாலின் பேச்சுமோடி, அமித்ஷா எத்தனை முறை வந்தாலும் தமிழ்நாட்டில் திமுக வெல்வது உறுதி: மு.க. ஸ்டாலின்தமிழ்நாட்டில் வேலைக்குச் செல்லும் பெண்களுக்கு பாதுகாப்பு இல்லை : எடப்பாடி பழனிசாமிதமிழ்நாடு சட்டம் - ஒழுங்கு டிஜிபியாக சந்தீப் ராய் ரத்தோர் நியமனம்!அமைச்சரவையின் பரிந்துரைகளை ஆளுநர் தன்னிச்சையாக நிராகரிக்க முடியாது: சென்னை உயர் நீதிமன்றம்
/

கரூா் மாவட்டத்தில் அதிமுக, தவெக உள்பட 48 போ் வேட்புமனு தாக்கல்

கரூா் மாவட்டத்தில் அதிமுக, தவெக வேட்பாளா்கள் உள்பட 48 போ் வியாழக்கிழமை ஒரே நாளில் வேட்புமனுவை தாக்கல் செய்தனா்.

News image

கரூா் மாவட்டம் கிருஷ்ணராயபுரம் தொகுதியில் தோ்தல் நடத்தும் அலுவலா் சிவக்குமாரிடம் தனது வேட்புமனுவை வியாழக்கிழமை தாக்கல் செய்த அதிமுக வேட்பாளா் மருத்துவா் எஸ். திவ்யா. உடன் முன்னாள் அமைச்சா் ம.சின்னசாமி, தொகுதி பொறுப்பாளா் ஆலம்தங்கராஜ், பாஜக மாவட்டத்தலைவா் வி.வி.செந்தில்நாதன் உள்ளிட்டோா்.

Updated On :2 ஏப்ரல் 2026, 8:40 pm

தினமணி செய்திச் சேவை

கரூா் மாவட்டத்தில் அதிமுக, தவெக வேட்பாளா்கள் உள்பட 48 போ் வியாழக்கிழமை ஒரே நாளில் வேட்புமனுவை தாக்கல் செய்தனா்.

கரூா் சட்டப்பேரவைத் தொகுதி தவெக வேட்பாளா் மதியழகன் தனது ஆதரவாளா்களுடன் கரூா் ஜவஹா்பஜாரில் இருந்து ஊா்வலமாக வந்து வேட்புமனுவை கோட்டாட்சியரும், தோ்தல் நடத்தும் அலுவலருமான சத்திய பாலகங்காதரனிடம் தாக்கல் செய்தாா். அவருக்கு மாற்று வேட்பாளராக அவரது மனைவி ராணி மனுதாக்கல் செய்தாா்.

இவா், தனது வேட்புமனுவுடன் தாக்கல் பிரமாணப்பத்திரத்தில் அசையா சொத்தாக ரூ.75.85 லட்சம் இருப்பதாகவும், அசையும் சொத்தாக ரூ.38 லட்சத்து 54 ஆயிரத்து 58 இருப்பதாகவும், தனது மனைவி ராணி பெயரில் அசையும் சொத்தாக ரூ.16 லட்சத்து 93 ஆயிரத்து 321 இருப்பதாகவும் தெரிவித்துள்ளாா்.

இதேபோல கிருஷ்ணராயபுரம் சட்டப்பேரவைத் தொகுதி அதிமுக வேட்பாளா் மருத்துவா் திவ்யா மற்றும் அதிமுகவினா் மற்றும் கூட்டணி கட்சியினா் கிருஷ்ணராயபுரம் ஒன்றிய அலுவலகம் முன் காலையில் திரண்டனா். அங்கிருந்து மேளதாளங்கள் முழங்க ஊா்வலமாக வட்டாட்சியா் அலுவலகத்துக்கு வந்தனா். பின்னா் வேட்பாளா் மருத்துவா் திவ்யா தனது வேட்புமனுவை கிருஷ்ணராயபுரம் தோ்தல் நடத்தும் அலுவலா் சிவக்குமாரிடம் தாக்கல் செய்தாா். அப்போது முன்னாள் அமைச்சா் சின்னசாமி, தொகுதி பொறுப்பாளா் ஆலம் தங்கராஜ், மாவட்ட எம்ஜிஆா் இளைஞரணி செயலா் தானேஷ்குமாா், பாஜ மாவட்ட தலைவா் வி.வி. செந்தில்நாதன் ஆகியோா் உடனிருந்தனா்.

சொத்துவிவரம்: வேட்பாளா் மருத்துவா் எஸ். திவ்யாக தாக்கல் செய்த பிரமாணப் பத்திரத்தில் தனது கையிருப்பு ரொக்கமாக ரூ. 5லட்சம் மற்றும் தனது கணவா் சுனில்குமாரிடம் ரூ. 5 லட்சம் உள்ளதாகவும், அசையும் சொத்தாக தனது பெயரில் ரூ.1கோடியே 39 லட்சத்து 38 ஆயிரத்து 181, தனது கணவா் சுனில்குமாா்

பெயரில் ரூ. 2 கோடியே 62 லட்சத்து 3ஆயிரத்து 623 உள்ளதாகவும், அசையா சொத்தாக தனது பெயரில் ரூ.1 கோடியே 28 லட்சம், தனது கணவா் பெயரில் ரூ.18 கோடியே 13லட்சத்து 89ஆயிரத்து 500 உள்ளதாகவும், தனதுபெயரில் கடனாக ரூ. 16 லட்சத்து 50ஆயிரம், தனது கணவா் பெயரில் ரூ.10 லட்சம் உள்ளதா தெரிவித்திருந்தாா்.