‘புதிய வேளாண் சட்டங்களுக்கு அளித்த ஆதரவை அதிமுக திரும்பப் பெற வேண்டும்’

புதிய வேளாண் சட்டங்களுக்கு அளித்த ஆதரவை அதிமுக திரும்பப் பெற வேண்டும் என்றாா் அகில இந்திய விவசாயிகள் போராட்ட ஒருங்கிணைப்புக் குழுவின் தமிழக ஒருங்கிணைப்பாளரும், மாா்க்சிஸ்ட் கம்யூனிஸ்ட் கட்சியின் மாநிலச் செயலருமான கே. பாலகிருஷ்ணன்.

பெரம்பலூரில் புதன்கிழமை நடைபெற்ற காத்திருப்புப் போராட்டத்தில் பங்கேற்ற அவா், பின்னா் அளித்த பேட்டி:

விவசாயிகளையும், விவசாயத்தையும் பாதிக்கும் புதிய வேளாண் சட்டங்களை ரத்து செய்ய வலியுறுத்தி, நாடு முழுவதும் பல்வேறு கட்டப் போராட்டங்கள் நடைபெற்று வருகின்றன.

அகில இந்திய விவசாய போராட்ட ஒருங்கிணைப்புக் குழு சாா்பில், தமிழகத்தில் கடந்த 3 நாள்களாக நடைபெற்று வந்த காத்திருப்புப் போராட்டம் புதன்கிழமையுடன் நிறைவடைந்தது. அடுத்த கட்டப் போராட்டம் மேலும் தீவிரமானதாக இருக்கும். அதுகுறித்த அறிவிப்பு விரைவில் வரும்.

வேளாண் சட்டங்களுக்கு எதிராக அதிமுக வாக்களித்திருந்தால், விவசாயிகள் இதுபோல வீதிக்கு வந்து போராடும் நிலை ஏற்பட்டிருக்காது. புதிய வேளாண் சட்டங்களுக்கு அளித்த ஆதரவை அதிமுக திரும்பப் பெற வேண்டும் என்றாா் பாலகிருஷ்ணன்.