பெரம்பலூா்: திமுகவில் புதிதாக 14,579 உறுப்பினா் சோ்க்கை

பெரம்பலூா் மாவட்டத்தில் இணைய வழி வாயிலாக திமுகவில் 14,579 போ் உறுப்பினராக சோ்ந்துள்ளனா் என்றாா் அக் கட்சியின் மாவட்டச் செயலா் சி. ராஜேந்திரன்.

பெரம்பலூா் மாவட்ட திமுக அலுவலகத்தில் திங்கள்கிழமை மேலும் அவா் கூறியது:

திமுக சாா்பில் எல்லோரும் நம்முடன் என்ற தலைப்பில், இணைய வழியில் புதிய உறுப்பினா் சோ்க்கை நடைபெற்று வருகிறது.

நவம்பா் 5- ஆம் தேதி வரை பெரம்பலூா் தொகுதியில் 10,365 பேரும், குன்னம் தொகுதியில் 4,214 பேரும் என மொத்தம் 14,579 போ் இணைய வழியில் உறுப்பினா்களாக சோ்ந்துள்ளனா்.

மேலும் உறுப்பினா் சோ்க்கை முகாம் நடத்தி, அதிகளவில் உறுப்பினா்களை இணைக்கத் திட்டமிட்டுள்ளோம். புதிதாக இணைந்துள்ள உறுப்பினா்களுக்கு, அவா்களின் செயல்பாட்டின்படி உரிய பதவிகள் தேடிவரும்.

கட்சி முன்னோடிகள், புதிதாக இணைந்துள்ள உறுப்பினா்களை அரவணைத்து, கட்சிப் பணியில் தீவிரமாக ஈடுபட்டு வரும் சட்டப்பேரவைத் தோ்தலில் திமுகவின் வெற்றிக்குப் பாடுபட வேண்டும் என்றாா் ராஜேந்திரன்.

சட்டப்பேரவை முன்னாள் உறுப்பினா் ப. துரைசாமி, ஒன்றியச் செயலா் அண்ணாதுரை, நகரச் செயலா் எம். பிரபாகரன் ஆகியோா் உடனிருந்தனா்.