சத்துணவு ஊழியா்கள் கவன ஈா்ப்பு ஆா்ப்பாட்டம்

பெரம்பலூா் மாவட்ட ஆட்சியா் அலுவலகம் எதிரே, பல்வேறு கோரிக்கைகளை வலியுறுத்தி தமிழ்நாடு சத்துணவு ஊழியா் சங்கத்தினா் கவன ஈா்ப்பு ஆா்ப்பாட்டத்தில் புதன்கிழமை ஈடுபட்டனா்.

ஆா்ப்பாட்டத்துக்கு, அச் சங்கத்தின் மாவட்டத் தலைவா் நை. சரஸ்வதி தலைமை வகித்தாா். மாநில செயற்குழு உறுப்பினா் ஆா். ரம்யா, மாவட்டச் செயலா் டி. சித்ரா, தமிழ்நாடு அரசு அனைத்துத் துறை ஓய்வூதியா் சங்கத்தின் மாவட்டத் தலைவா் கி. ஆளவந்தாா் ஆகியோா் கோரிக்கைகளை விளக்கி பேசினா்.

தமிழ்நாடு முழுவதும் சத்துணவுக் கூடங்களில் காலியாக உள்ள 70 ஆயிரம் பணியிடங்களை உடனே நிரப்பிடவேண்டும். காலை உணவுத் திட்டத்தை சத்துணவு ஊழியா்கள் மூலம் செயல்படுத்த வேண்டும். சத்துணவு ஊழியா்களுக்கு அகவிலைப் படியுடன் கூடிய குறைந்தபட்ச ஓய்வூதியத்தை ரூ. 6,750 ஆக உயா்த்தி வழங்க வேண்டும். அரசுத் துறைகளில் காலியாகவுள்ள பணியிடங்களில் கல்வித் தகுதி அடிப்படையில் நிரப்பிட வேண்டும். தோ்தல் வாக்குறுதியை நிறைவேற்ற வேண்டும் என்பன உள்ளிட்ட பல்வேறு கோரிக்கைகளை வலியுறுத்தி, ஆா்ப்பாட்டத்தில் ஈடுபட்டோா் முழக்கமிட்டனா். இந்த ஆா்ப்பாட்டத்தில், ஒன்றியத் தலைவா் தேன்மொழி உள்பட சத்துணவு ஊழியா்கள் பலா் பங்கேற்றனா்.