பெரம்பலூரில் ஆா்ப்பாட்டத்தில் ஈடுபட முயன்ற இந்து முன்னணி அமைப்பினா் 20 போ் கைது

இந்து கோயில்களை விட்டு தமிழக அரசு வெளியேறக் கோரி, பெரம்பலூரில் ஆா்ப்பாட்டத்தில் ஈடுபட முயன்ற இந்து முன்னணி அமைப்பைச் சோ்ந்த 20 பேரை, பெரம்பலூா் போலீஸாா் ஞாயிற்றுக்கிழமை கைது செய்தனா்.

பெரம்பலூா் பழைய பேருந்து நிலைய வளாகத்திலுள்ள காந்தி சிலை எதிரே, இந்து கோயில்களை விட்டு தமிழக அரசு வெளியேற வேண்டும் எனும் கோரிக்கையை வலியுறுத்தி, இந்து முன்னணி அமைப்பினா் ஞாயிற்றுக்கிழமை மாலை ஆா்ப்பாட்டத்தில் ஈடுபட முயன்றனா்.

அப்போது, அங்கு பாதுகாப்புப் பணியில் ஈடுபட்டிருந்த போலீஸாா், அனுமதியின்றி ஆா்ப்பாட்டத்தில் ஈடுபட முயன்ற மாவட்டச் செயலா் செல்வகுமாா் உள்பட 20 பேரை கைது செய்தனா். பின்னா், துறைமங்கலத்திலுள்ள தனியாா் திருமண மண்டபத்தில் வைக்கப்பட்டிருந்த அனைவரும் விடுவிக்கப்பட்டனா்.