பெரம்பலூரில் நவ. 16-இல் கணினி வழி போட்டித் தோ்வு

Updated On :13 நவம்பர் 2025, 8:49 pm

தமிழ்நாடு அரசுப் பணியாளா் தோ்வாணையம் மூலம், ஒருங்கிணைந்த தொழில்நுட்பப் பணிகளுக்கான கணிணி வழி போட்டித் தோ்வு, நவ. 16-ஆம் தேதி நடைபெற உள்ளதாக மாவட்ட ஆட்சியா் ந. மிருணாளினி தெரிவித்துள்ளாா்.

இதுகுறித்து அவா் வியாழக்கிழமை வெளியிட்ட செய்திக் குறிப்பு:

பெரம்பலூா் மாவட்டத்தில், தமிழ்நாடு அரசுப் பணியாளா் தோ்வாணையம் மூலம் நடைபெறும் ஒருங்கிணைந்த தொழில்நுட்பப் பணிகளுக்கான கணிணி வழி போட்டித் தோ்வு, நவ. 16-ஆம் தேதி எளம்பலூா் மற்றும் சிறுவாச்சூரில் உள்ள தனியாா் பொறியியல் கல்லூரிகளில் காலை, மாலை இரு வேளைகளில் நடைபெற உள்ளது.

இத் தோ்வில் 400 போ் பங்கேற்க உள்ளனா். இதற்கான தோ்வு மையங்களில் குடிநீா் வசதி, தடையற்ற மின் வசதி, சுகாதாரமான கழிப்பிடம் மற்றும் போக்குவரத்து வசதிகள் ஏற்படுத்தப்பட்டுள்ளன.

போட்டித் தோ்வு எழுதுவோா் தோ்வு மையத்துக்கு காலை 9 மணிக்குள்ளாகவும், பிற்பகல் தோ்வுக்கு 2 மணி வரை மட்டுமே அனுமதிக்கப்படுவாா்கள். தோ்வு எழுதுவோா் கைப்பேசி உள்ளிட்ட மின்னணு சாதனங்களை கொண்டுவர அனுமதியில்லை.

டிரெண்டிங்