அறந்தாங்கியில் திரௌபதையம்மன் கோயில் கும்பாபிஷேகம்

அறந்தாங்கியில் அருள்மிகு திரௌபதையம்மன் கோவில்  கும்பாபிஷேகம் புதன்கிழமை சிறப்பாக நடைபெற்றது.
        அறந்தாங்கி நகரம் குட்டகைக்குளம் மேல்கரையில் அமைந்துள்ள  கோயில் கும்பாபிஷேகத்தை முன்னிட்டு அமைக்கப்பட்ட யாகசாலையில்  கடந்த 27 ஆம் தேதி  கணபதி ஹோமத்துடன் தொடங்கி தொடர்ந்து நான்கு கால பூஜை நடைபெற்றது. நிகழ்ச்சியின் நிறைவு நாளான புதன்கிழமை கோ பூஜை, லட்சுமி பூஜை, பூர்ணஹூதி  தீபாராதனை  போன்றவை நடைபெற்ற பின்னர்,  பூஜையில் வைக்கப்பட்ட கடம் ஊர்வலமாக புறப்பட்டு காலை சரியாக 10.20 மணிக்கு வேத விற்பன்னர்கள் மந்திரங்கள் முழங்க பல்வேறு பகுதிகளிலிருந்து கொண்டு வரப்பட்டு பூஜிக்கப்பட்ட புனிதநீரை கொண்டு கும்பாபிஷேகம்  நடைபெற்றது.  இதில், பக்தர்கள் திரளாகக் கலந்து கொண்டனர். பின்னர் ராஜேந்திர சோழீஸ்வரர் ஆலயத்தில் சிறப்பு அன்னதானம் நடைபெற்றது.