இலுப்பூா், விராலிமலை பகுதியில் மதுவிற்ற 3 போ் கைது

விராலிமலை பகுதியில் சட்டவிரோதமாக மதுவிற்ற மூவரை போலீஸாா் புதன்கிழமை கைது செய்தனா்.

விராலிமலை காவல்நிலைய சாா்பு-ஆய்வாளா் அன்பழகன் தலைமையிலான போலீஸாா் லஞ்சமேடு பகுதியில் புதன்கிழமை சோதனையில் ஈடுபட்டனா்.

அப்போது, கறிகடை ஒன்றில் மதுபாட்டில்களை பதுக்கிவைத்து விற்பனையில் ஈடுபட்ட ஜெயராமன்(42) என்பவரை கைது செய்தனா்.

விராலிமலை அடுத்துள்ள அகரப்பட்டிபகுதியில் சட்ட விரோதமாக மதுவிற்ற மளிகை கடை உரிமையாளா் வடிவேலு(41) என்பவரை போலீஸாா் கைது செய்தனா்.

இலுப்பூா் அருகே உள்ள மலைக்குடிபட்டியில் மதுபாட்டில்களை கள்ளச்சந்தையில் விற்ப கமலேஷ்(33) என்பவரை இலுப்பூா் போலீஸாா் கைது செய்தனா். கைது செய்யப்பட்ட மூவரிடமிருந்து மது பாட்டில்களை போலீஸாா் பறிமுதல் செய்தனா்.