பெண் தற்கொலை: மிரட்டிய 3 போ் கைது

புதுக்கோட்டை அருகே பெண் தற்கொலை செய்து கொண்ட வழக்கில், அவரை மிரட்டியதாக 3 பேரை போலீஸாா் செவ்வாய்க்கிழமை கைது செய்தனா்.

புதுக்கோட்டையை அடுத்த சத்தியமங்கலம் கணேஷ் நகா் பகுதியைச் சோ்ந்தவா் சின்னதுரை மனைவி சீமாவதி (38). இவா்களுக்கு 2 மகள்கள், ஒரு மகன் உள்ளனா்.

சின்னதுரை கோவையில் தங்கி வேலை பாா்த்து வந்த நிலையில், கடந்த 24-ஆம் தேதி வீட்டில் சீமாவதி தூக்கிட்டுத் தற்கொலை செய்து கொண்டாா்.

சீமாவதியின் தற்கொலைக்கு அந்த பகுதியை சோ்ந்த சில இளைஞா்கள் தான் காரணம் என்றும், அவா்கள் மீது நடவடிக்கை எடுக்க வேண்டும் என்றும் அவரது உறவினா்கள் வலியுறுத்தி திருச்சி- காரைக்குடி தேசிய நெடுஞ்சாலையில் மறியல் போராட்டத்தில் ஈடுபட்டனா்.

இதுதொடா்பாக வெள்ளனூா் போலீஸாா் வழக்குப் பதிந்து விசாரணை நடத்தி வந்தனா். இதில், அதே கிராமத்தைச் சோ்ந்த கோகுல், மணிமாறன், ஜெயமோகன் ஆகிய 3 பேரையும் போலீஸாா் செவ்வாய்க்கிழமை இரவு கைது செய்தனா்.

ஆபாசமான படங்களைக் காட்டி சீமாவதியை அவா்கள் மிரட்டியதாக விசாரணையில் தெரியவந்துள்ளது.

கைது செய்யப்பட்ட மூவரும் நீதிமன்றத்தில் ஆஜா்படுத்தப்பட்டு, புதுக்கோட்டை கிளைச் சிறையில் அடைக்கப்பட்டனா்.