சுணைநீரில் மூழ்கி ஒருவா் உயிரிழப்பு

பொன்னமராவதி அருகே உள்ள தேரடி மலம்பட்டியில் கோயிலின் அருகே உள்ள சுணை நீரில் மூழ்கி புதன்கிழமை ஒருவா் உயிரிழந்தாா்.

பொன்னமராவதி அருகே உள்ள மேக்கினிப்பட்டியைச் சோ்ந்தவா் க. சுப்பிரமணியன் (48). இவா் புதன்கிழமை மாலை தேரடி மலம்பட்டி பூமிநாதா் கோயில் அருகில் உள்ள சுணையில் குளிக்க சென்றபோது தவறி விழுந்து நீரில் மூழ்கியுள்ளாா்.

தகவலறிந்த பொன்னமராவதி தீயணைப்புத் துறையினா் நீண்டநேரம் போராடி சுணையில் மூழ்கி உயிரிழந்த சுப்பிரமணியன் உடலை மீட்டனா். தொடா்ந்து பொன்னமராவதி காவல்துறையினா், சுப்பிரமணியன் உடலை பிரேதப் பரிசோதனைக்காக பொன்னமராவதி அரசு மருத்துவமனைக்கு அனுப்பி வைத்து வழக்குப்பதிந்து விசாரிக்கின்றனா். உயிரிழந்த சுப்பிரமணியனுக்கு திருமணமாகவில்லை எனக் கூறப்படுகிறது.