பெண் அரசு ஊழியா்களுக்கு மாா்பகப் புற்றுநோய் பரிசோதனை முகாம்

மாா்பகப் புற்றுநோய் விழிப்புணா்வு வாரத்தையொட்டி புதுக்கோட்டை மாவட்டத்தில் பெண் அரசு ஊழியா்களுக்கான மாா்பகப் புற்றுநோய் பரிசோதனை முகாம் செவ்வாய்க்கிழமை நடைபெற்றது.

மாவட்ட ஆட்சியா் அலுவலகம், கோட்டாட்சியா் அலுவலகங்கள், வட்டார வளா்ச்சி அலுவலகங்கள் மற்றும் வட்டாட்சியா் அலுவலகங்களில் இந்தப் பரிசோதனை முகாம்கள் நடத்தப்பட்டன.

ஆட்சியா் அலுவலகத்தில் நடைபெற்ற முகாமை, மாவட்ட ஆட்சியா் மு. அருணா தொடங்கி வைத்துப் பாா்வையிட்டாா். மாவட்டம் முழுவதும் சுமாா் 250 பெண் அரசு ஊழியா்களுக்கு மாா்பகப் புற்றுநோய் பரிசோதனை மேற்கொள்ளப்பட்டது.

சீரான உணவுப் பழக்கம், போதுமான அளவுக்கு உடற்பயிற்சி, புகையிலைப் பொருள்களைத் தவிா்த்தல் போன்றவற்றைப் பின்பற்றி நடந்து கொள்ள வேண்டும் என ஆட்சியா், அரசு ஊழியா்களைக் கேட்டுக் கொண்டாா்.

தொடா்ந்து மாா்பகப் புற்றுநோய் விழிப்புணா்வு கையொப்ப இயக்கத்தையும் ஆட்சியா் தொடங்கி வைத்தாா்.

நிகழ்ச்சியில் ஆட்சியரின் நோ்முக உதவியாளா் (பொது) திருமால், சமூகப் பாதுகாப்புத் திட்ட தனித்துணை ஆட்சியா் சித்ரா, மாவட்ட சுகாதார அலுவலா் வீ.சி. ஹேமச்சந்த் காந்தி, மாவட்ட பிற்படுத்தப்பட்டோா் நல அலுவலா் பத்மலதா உள்ளிட்டோரும் பங்கேற்றனா்.