பிஎஸ்என்எல் ஒப்பந்த தொழிலாளர்கள் உண்ணாவிரதம்

தமிழ்நாடு தொலைத்தொடர்பு ஒப்பந்தத் தொழிலாளர்கள் சங்கம், பிஎஸ்என்எல் ஊழியர் சங்கம் சார்பில் பல்வேறு கோரிக்கைகளை வலியுறுத்தி கும்பகோணத்தில் புதன்கிழமை உண்ணாவிரதப் போராட்டம் நடைபெற்றது.
தமிழ்நாடு தொலைதொடர்பு ஒப்பந்தத் தொழிலாளர் சங்க மாவட்டத் தலைவர் பாலாஜி தலைமை வகித்தார்.  இதில் ஒப்பந்தத் தொழிலாளர்களுக்கு கடந்த ஜூலை மாதம் வழங்க வேண்டிய ஊதியத்தை உடனே வழங்க வேண்டும். அலுவலகப் பராமரிப்பு, கேபிள் இணைப்பு சீர் செய்தல் உள்ளிட்ட பணிகளை மேற்கொள்ளும் கும்பகோணம் தொலைத்தொடர்பு மாவட்டத்தில் பணியாற்றும் 350-க்கும் மேற்பட்ட ஒப்பந்தத் தொழிலாளர்களின் வாழ்வாதாரத்தைப் பாதுகாக்க வேண்டும் என்பன உள்ளிட்ட கோரிக்கைகள் வலியுறுத்தப்பட்டன.