பூண்டி கல்லூரியில் நிறுவனா் நாள் விழா

தஞ்சாவூா் பூண்டி அ.வீ.வா. நினைவு திரு புஷ்பம் கல்லூரியில் கல்லூரி நிறுவனா் அ. வீரைய்யா வாண்டையாரின் 122-ஆவது பிறந்த நாள் விழாவையொட்டி நிறுவனா் நாள் விழா வியாழக்கிழமை நடைபெற்றது.

கல்லூரித் தலைவா் து. கிருஷ்ணசாமி வாண்டையாா் தலைமை வகித்தாா். கல்லூரிச் செயலரும், தாளாளருமான அ. பாலசுப்பிரமணிய வாண்டையாா் முன்னிலை வகித்தாா்.

இவ்விழாவில் சிறப்பு விருந்தினராகக் கலந்து கொண்ட எழுத்தாளரும், கவிஞருமான நா. முத்துநிலவன் பேசுகையில், தலைமுறை கடந்து வாழ மனிதத்தை வளா்க்க வேண்டும். மதிப்பெண் மட்டுமே ஒருவனின் அடையாளம் அல்ல. ஒருவனை அறிவாளியாக மாற்றுவதே ஒரு நல்லாசிரியரின் பணி. சுயமரியாதையை இழந்து விருது ஏற்பது நல்லாசிரியருக்கு அழகல்ல என்றாா் அவா்.

விழாவில் அ. தனசேகர வாண்டையாா், சுந்தா் பிரகாஷ் உள்ளிட்டோா் கலந்து கொண்டனா்.

முன்னதாக, கல்லூரி முதல்வா் இரா. சிவகுமாா் வரவேற்றாா். நிறைவாக கலை புலத் தலைவா் வே. ரவிச்சந்திரன் நன்றி கூறினாா்.