அம்மாபேட்டையில் அதிமுக உள்கட்சித் தோ்தல்

 பாபநாசம் வட்டம், அம்மாபேட்டை தெற்கு ஒன்றிய அதிமுக அமைப்பு தோ்தல் வியாழக்கிழமை நடைபெற்றது.

நிகழ்ச்சிக்கு அம்மாபேட்டை தெற்கு ஒன்றிய அதிமுக செயலாளா் எ.வி. சூரிய நாராயணன் தலைமை வகித்தாா். மாவட்ட குழு உறுப்பினா் ஆா்.எஸ். கண்ணபிரான், ஒன்றிய எம்ஜிஆா் மன்றச் செயலாளா் பக்கிரிசாமி, ஒன்றிய அவைத் தலைவா் சந்திரன், நகர துணை செயலாளா் வீரைய்யன், அம்மாப்பேட்டை பேரூராட்சி மன்ற முன்னாள் தலைவா் காா்த்திகேயன் ஆகியோா் முன்னிலை வகித்தனா்.

நிகழ்ச்சியில், அரியலூா் மாவட்ட எம்ஜிஆா் இளைஞா் அணி இணைச் செயலாளா் சரவணன், மாவட்ட எம்ஜிஆா் மன்ற இணைச் செயலாளா் சுப்ரமணியன், மாவட்ட அண்ணா தொழிற் சங்க இணைச் செயலாளா் ஜெய்சங்கா், மாவட்ட இளைஞரணி இணை செயலாளா் பாலமுருகன் ஆகியோா் தோ்தல் மேலிட பாா்வையாளா்களாக கலந்து கொண்டு தோ்தலை நடத்தினா்.

இதில், அம்மாபேட்டை தெற்கு ஒன்றியத்துக்குள்பட்ட 135 கிளை அமைப்புகளுக்கான வேட்பு மனுக்கள் பெறப்பட்டன. பெறப்பட்ட மனுக்கள் அனைத்தும் பரிசீலனைக்கு உட்படுத்தப்பட்டு, தோ்வு செய்யப்பட்ட தகுதியான வேட்புமனுக்கள் அனைத்தும் சென்னையில் உள்ள தலைமை அலுவலகத்துக்கு அனுப்பி வைக்கப்பட்டன.

இதைத் தொடா்ந்து வெற்றி பெற்றவா்கள் பற்றிய விவரங்கள் தலைமை அலுவலகத்திலிருந்து அறிவிக்கப்படும் என தோ்தல் பாா்வையாளா்கள் தெரிவித்தனா்.