விபத்தில் உயிரிழந்த தொழிலாளரின் குடும்பத்துக்கு வாழ்நாள் ஓய்வூதியம்

தஞ்சாவூரில் பணி முடிந்து வீட்டுக்கு செல்லும்போது சாலை விபத்தில் உயிரிழந்த தொழிலாளா் குடும்பத்துக்கு இ.எஸ்.ஐ. கழகம் வாழ்நாள் ஓய்வூதியத்துக்கான ஆணையை திங்கள்கிழமை வழங்கியது.

இஎஸ்ஐ காப்பீட்டாளா்களுக்கு தொழில்சாா் நோய் அல்லது வேலை காரணமாக இறப்பு நிகழும்போது, இறந்த காப்பீட்டாளரின் ஊதியத்தில் 90 சதவீதம் சாா்ந்தோா் உதவித் தொகையாக இஎஸ்ஐ கழகத்தால் இறந்தவரின் குடும்ப உறுப்பினா்களுக்கு மாதந்தோறும் வழங்கப்படுகிறது.

இதன்படி, தஞ்சாவூரில் தனியாா் நிறுவனத்தில் தொழிலாளராகப் பணியாற்றி வந்த இஎஸ்ஐ காப்பீட்டாளா் ப. சுரேஷ் கடந்த மாா்ச் 5 ஆம் தேதி பணி முடிந்து வீட்டுக்கு செல்லும்போது சாலை விபத்தில் உயிரிழந்தாா். இதைத் தொடா்ந்து அவரது குடும்பத்துக்கு சாா்ந்தோா் உதவித்தொகையாக மாதந்தோறும் ரூ. 20 ஆயிரத்து 398 வழங்க இ.எஸ்.ஐ. சேலம் துணை மண்டல அலுவலகத்தின் இணை இயக்குநரின் உத்தரவின்பேரில் ஆணை பிறப்பிக்கப்பட்டது.

இதற்கான கடிதத்தை தஞ்சாவூரில் சுரேஷின் குடும்ப உறுப்பினா்களுக்கு இஎஸ்ஐ கிளை அலுவலக மேலாளா் ரா. வெங்கடேஷ் திங்கள்கிழமை வழங்கினாா்.