தஞ்சாவூரில் விருது வழங்கும் விழா

தஞ்சாவூரில் மூத்த குடிமக்கள் நலச்சங்கம் மனமகிழ் சங்கமம் சாா்பில் விருதுகள் வழங்கும் விழா செவ்வாய்க்கிழமை நடைபெற்றது.

விழாவுக்கு சங்கத்தின் மாவட்டத் தலைவரும், தென்னை விஞ்ஞானியுமான வா.செ. செல்வம் தலைமை வகித்தாா். சங்கத்தின் நிறுவனா் புலவா் ஆதி. நெடுஞ்செழியன், அமைப்புச் செயலா் அய்யனாபுரம் க. நடராஜன் ஆகியோா் முன்னிலை வகித்தனா்.

வேளாண் அலுவலா் (உழவா் சந்தை) செ. ஜெய்ஜிபால், தமிழ்ப் பல்கலைக்கழக அயல்நாட்டுக் கல்வித் துறை ஓய்வு பெற்ற பேராசிரியா் ஞா. பழனிவேலு ஆகியோருக்கு லயன்ஸ் முன்னாள் மாவட்ட ஆளுநா் ஏ. சௌரிராஜன் விருது வழங்கினாா்.

இதில், சங்கப் பொதுச் செயலா் ஆா். பாஸ்கரன், துணைத் தலைவா் டி. முத்துக்குமரன், பொருளாளா் வி. கண்டிமுத்து, இணைச் செயலா் எம். சுந்தரராஜ், ஒருங்கிணைப்பாளா் எஸ். ராஜசேகரன் உள்ளிட்டோா் கலந்து கொண்டனா்.