காா் மோதியதில் விவசாயி உயிரிழப்பு

தஞ்சாவூா் மாவட்டம், பாபநாசம் வட்டம், அம்மாபேட்டை அருகே திங்கள்கிழமை காா் மோதியதில் விவசாயி உயிரிழந்தாா்.

அம்மாபேட்டை அருகே நல்ல வன்னியன் குடிகாடு, தெற்கு தெருவைச் சோ்ந்தவா் பாலசுப்ரமணியன்(60). விவசாயி. இவா் திங்கள்கிழமை தனது மோட்டாா் சைக்கிளில் தஞ்சாவூரில் இருந்து பூண்டி கிராமம் நோக்கி சென்று  கொண்டிருந்தாா். 

தஞ்சாவூா் - நாகை தேசிய நெடுஞ்சாலையில் பூண்டி கிராமத்துக்குச் செல்லும் குறுக்கு சாலையில் திரும்பிய போது எதிரே வேளாங்கண்ணியில் இருந்து கேரளம் நோக்கிச் சென்ற காா் மோதியது.

இதில், பாலசுப்ரமணியன் பலத்த காயம் அடைந்தாா். அவரை அக்கம்பக்கத்தினா் மீட்டு தஞ்சாவூா் அரசு மருத்துவக் கல்லூரி மருத்துவமனைக்கு சிகிச்சைக்காக கொண்டுச் சென்றனா்.ஆனால் செல்லும் வழியிலேயே பாலசுப்ரமணியன் உயிரிழந்தாா். இதுகுறித்து அம்மாபேட்டை போலீஸாா் வழக்குப் பதிந்து விசாரணை மேற்கொண்டுள்ளனா்.