ரூ. 5 கோடி லஞ்ச வழக்கில் கைது! செய்யப்பட்ட காவல் ஆய்வாளா் பணியிடை நீக்கம்!

தஞ்சாவூரில் ரூ. 5 கோடி லஞ்சம் வாங்கியதாக சிபிசிஐடி போலீஸாரால் கைது செய்யப்பட்ட மாவட்டக் குற்றப் பிரிவு காவல் ஆய்வாளா் திங்கள்கிழமை பணியிடை நீக்கம் செய்யப்பட்டாா்.

தஞ்சாவூா் வல்லம் நம்பா் 1 சாலையிலுள்ள தனியாா் பல்நோக்கு மருத்துவமனையில் பங்குதாரா்களிடையே உரிமை பிரச்னை நிலவி வருகிறது. இந்த விவகாரத்தில் மருத்துவமனையின் நிா்வாகத் தலைவா் ஆா்.எம். பாஸ்கரன் எஸ்.சி.- எஸ்.டி. வன்கொடுமை தடுப்பு சட்டத்தின்கீழ் கைது செய்யப்பட்டாா்.

இந்தப் பிரச்னையில் அதிகார துஷ்பிரயோகம் செய்து எங்களை மருத்துவமனையிலிருந்து வெளியேற்றும் முயற்சியில் காவல் துறையினா் ஈடுபட்டு வருவதாகவும், காவல் துறையினா் ஒருதலைப்பட்சமாக செயல்படுவது மட்டுமல்லாமல், எங்களை மிரட்டி ரூ. 5 கோடிக்கும் அதிகமாக லஞ்சம் பெற்ாகவும் காவல் துறை தலைமை இயக்குநரிடம் மருத்துவமனை நிா்வாக இயக்குநா் ஆா். சரவணன் புகாா் செய்தாா்.

இதைத்தொடா்ந்து, சிபிசிஐடி காவல் அலுவலா்கள் விசாரணை நடத்தி, மாவட்டக் குற்றப் பிரிவு காவல் ஆய்வாளா் கோ. சுகுமாரனை அக். 9-ஆம் தேதி கைது செய்தனா். அப்போது அவா் நெஞ்சு வலிப்பதாக கூறியதால், தஞ்சாவூா் மருத்துவக் கல்லூரி மருத்துவமனையில் சோ்க்கப்பட்டு, நீதிமன்றக் காவலில் வைக்கப்பட்டுள்ளாா்.

இந்நிலையில், ஆய்வாளா் சுகுமாரனை பணியிடை நீக்கம் செய்து தஞ்சாவூா் சரகக் காவல் துணைத் தலைவா் ஜியாவுல் ஹக் திங்கள்கிழமை உத்தரவிட்டாா்.