துறையூர் அருகே  புதையல்  கண்டெடுப்பு?

துறையூர் அருகே கொல்லப்பட்டி கிராமத்தில் உள்ள பொம்மலிங்கம் கோயில் வளாகத்தில் இருந்து திங்கள்கிழமை இரவு அதே கிராமத்தைச் சேர்ந்த சிலர் தங்கப்புதையல் எடுத்திருப்பதாக துறையூர் வட்டாட்சியர் அலுவலகத்துக்கு தகவல் கிடைத்தது. 
தொடர்ந்து வட்டாட்சியர் பு. ரவிசங்கர் தலைமையில் வருவாய்த் துறையினர் அந்த கிராம மக்களிடம் செவ்வாய்க்கிழமை விசாரணை நடத்தினார். இதில், முன்னுக்குப் பின் முரணான தகவல்களை கிராம மக்கள் தெரிவித்ததாகக் கூறப்படுகிறது. 
இதுகுறித்து விசாரணை நடத்துமாறு போலீஸாருக்கு வட்டாட்சியர் கடிதம் அனுப்பியுள்ளார். துறையூர் போலீஸார் விசாரித்து வருகின்றனர்.