தண்ணீர் கோரி  அபினிமங்கலத்தில் மறியல்

தண்ணீர் கோரி துறையூர் அருகே அபினிமங்கலம் கிராமத்தைச் சேர்ந்த பெண்கள் புதன்கிழமை திடீர் சாலை மறியல் போராட்டத்தில் ஈடுபட்டனர்.
முசிறி ஊராட்சி ஒன்றியத்தைச் சேர்ந்த அபினிமங்கலம் கிராமத்தில் கடந்த 8 நாளாக மின் மோட்டார் பழுதால் தண்ணீர் விநியோகிக்கப்படவில்லை. 
இது தொடர்பாக அபினிமங்கலம் ஊராட்சியிலும்,  முசிறி ஒன்றிய அலுவலகத்திலும் புகார் கூறியும்  நடவடிக்கை இல்லாத நிலையில், அதிருப்தியடைந்த  அந்த கிராம பெண்கள் புதன்கிழமை காலை  காலிக்குடங்களுடன் சாலை மறியல் செய்தனர். தகவலறிந்து வந்த முசிறி ஊராட்சி ஒன்றிய துணை வட்டார வளர்ச்சி அலுவலர் உரிய  நடவடிக்கை எடுப்பதாகக் கூறியதைத் தொடர்ந்து மறியல் கைவிடப்பட்டது.