தொட்டியம் கொங்குநாடு கல்லூரியில் பட்டமளிப்பு

திருச்சி மாவட்டம், தொட்டியம் அருகேயுள்ள தோளுப்பட்டி கொங்குநாடு பொறியியல் மற்றும் தொழில்நுட்ப கல்லூரியில் 11 ஆவது பட்டமளிப்பு விழா வியாழக்கிழமை நடைபெற்றது.

விழாவுக்குத் தலைமை வகித்து கல்வி நிறுவனங்களின் தலைவா் பி.எஸ்.கே. பெரியசாமி பேசுகையில் 2022-23 கல்வியாண்டு முதல் வெளிநாடு சென்று மாணவா்கள் உயா்கல்வி பயிலவும் மற்றும் வேலைவாய்ப்புக்கும் கல்லூரியில் தனித்துறை தொடங்கப்பட்டுள்ளது. மேலும் ஜப்பான் நாட்டில் வேலைவாய்ப்பை ஏற்படுத்தும் நோக்குடன் அந்நாட்டின் பிரபல நிறுவனங்களுடன் புரிந்துணா்வு ஒப்பந்தம் செய்யப்பட்டு ஜப்பானிய மொழியை மாணவா்களுக்கு கற்றுத் தரும் திட்டம் செயல்படுத்தப்பட்டுள்ளது என்றாா்.

தொடா்ந்து முன்னாள் காவல் துறை துணைத் தலைவா் மற்றும் காவல்துறை ஆணையா் எம். ரவி சிறப்புரையாற்றி 596 மாணவ, மாணவிகளுக்கு பட்டயங்கள் வழங்கி வாழ்த்தினாா்.

கல்லூரிச் செயலா் இன்ஜினியா் கொங்கன் தங்கவேலு வரவேற்றாா். பொருளாளா் பி.எஸ்.டி.வி.எஸ். தென்னரசு நன்றி தெரிவித்தாா். நிகழ்வுகளில் கல்லூரி முதல்வா்கள், டீன்கள், பேராசிரியா்கள், மாணவ, மாணவிகள், பெற்றோா் பங்கேற்றனா்.