கோடைகால விளையாட்டு பயிற்சி பள்ளி மாணவா்களுக்கு அழைப்பு

 திருச்சி மாவட்டத்தைச் சோ்ந்த பள்ளி மாணவா், மாணவிகள் கோடைகால விளையாட்டுப் பயிற்சி முகாமில் பங்கேற்க அழைப்பு விடுக்கப்பட்டுள்ளது.

இதுகுறித்து மாவட்ட ஆட்சியா் மா.பிரதீப்குமாா் வெள்ளிட்டுள்ள செய்திக் குறிப்பு:

தமிழ்நாடு விளையாட்டு மேம்பாட்டு ஆணையத்தின் சாா்பில், பள்ளி மாணவ, மாணவிகளுக்கு ஆண்டுதோறும் கோடைகால விளையாட்டுப் பயிற்சி முகாம் நடத்தப்பட்டு வருகிறது. நிகழாண்டும் கோடை கால விடுமுறையை பயனுள்ளதாக மாற்றும் வகையில் திருச்சி அண்ணா விளையாட்டு அரங்கில் மாவட்ட அளவிலான பயிற்சி முகாம் நடைபெறவுள்ளது. மே 1ஆம் தேதி முதல் 15ஆம் தேதி வரை தினந்தோறும் காலை 6.30 மணி முதல் 8.30 மணி வரையும், மாலை 4.30 மணி முதல் 6.30 மணி வரையிலும் பயிற்சி அளிக்கப்படும்.

இதில், தடகளம், கால்பந்து, கூடைப்பந்து, வளைகோல் பந்து,கையுந்துப்பந்து, கைப்பந்து, ஸ்குவாஷ், ஜிம்னாஸ்டிக், டென்னிஸ், இறகுப்பந்து, குத்துச்சண்டை, மல்யுத்தம் உள்ளிட்ட விளையாட்டுகளுக்கு சிறந்த பயிற்றுநா்களை கொண்டு பயிற்சி அளிக்கப்படும். பயிற்சியில் பங்கேற்கும் மாணவ, மாணவிகளுக்கு தினந்தோறும் ஊட்டச்சத்து உணவுகள் வழங்கப்படும். பயிற்சி முடிவில் தமிழ்நாடு விளையாட்டு மேம்பாட்டு ஆணையத்தின் பயிற்சி சான்றிதழ்கள் வழங்கப்படும். மேலும், விவரங்களுக்கு மாவட்ட விளையாட்டு அலுவலா் மற்றும் அலுவலகத்தை நேரிலோ, 0431-2420685 என்ற தொலைபேசி எண்ணிலோ தொடா்பு கொள்ளலாம் என ஆட்சியா் தெரிவித்துள்ளாா்.