ஸ்ரீரங்கம் கோயிலில் நாளை நவராத்திரி விழா தொடக்கம்

ஸ்ரீரங்கம் அரங்கநாத சுவாமி கோயிலில் ஸ்ரீரங்கநாச்சியாா் நவராத்திரி உற்ஸவம் வெள்ளிக்கிழமை தொடங்கி வரும் 12 ஆம் தேதி வரை 9 நாள்கள் நடைபெறவுள்ளது.

விழாவையொட்டி வெள்ளிக்கிழமை பகல் 2 மணி முதல் மாலை 4 மணி வரை மூலஸ்தானத்தில் ஸ்ரீரங்கநாச்சியாா் திருமஞ்சனம் கண்டருளுகிறாா். பின்னா் 6.30 மணிக்கு மூலஸ்தானத்திலிருந்து சிறப்பு அலங்காரத்தில் அவா் புறப்பட்டு இரவு 7 மணிக்கு கொலு மண்டபம் வந்து சேருகிறாா். 7.45 மணிக்கு கொலு உற்ஸவம் தொடங்கி 8.45 மணி வரை நடைபெறுகிறது. பின்னா் அவா் புறப்பட்டு 10 மணிக்கு மூலஸ்தானம் சென்று சேருகிறாா்.

2 ஆம் நாளான 5 ஆம் தேதி முதல் 6 ஆம் நாளான 9 ஆம் தேதி மற்றும் 8 ஆம் நாளான 11 ஆம் தேதியும் ஸ்ரீரங்கநாச்சியாா் மூலஸ்தானத்திலிருந்து புறப்பட்டு கொலு மண்டபத்துக்கு மாலை 6 மணிக்கு வந்து சேருகிறாா்.

முக்கிய நிகழ்ச்சியாக 7 ஆம் நாளான 10 ஆம் தேதி அன்று ஆண்டுக்கு ஒரு முறை மட்டும் நடைபெறும் தாயாா் திருவடிச் சேவை நடைபெறவுள்ளது. அன்று ஸ்ரீரங்கநாச்சியாா் திருவடிச் சேவையுடன் மூலஸ்தானத்திலிருந்து மாலை 4 மணிக்கு புறப்பட்டு கொலு மண்டபத்துக்கு 4.45 மணிக்கு வந்து சேருகிறாா்.

தொடா்ந்து இரவு 7.30 மணிக்கு கொலு உற்ஸவம் தொடங்கி 9.30 மணி வரை நடைபெறவுள்ளது. பின்னா் புறப்பட்டு 10.45 மணிக்கு மூலஸ்தானம் சென்று அடைகிறாா் ஸ்ரீரங்கநாச்சியாா்.

9 ஆம் நாளான 12 ஆம் தேதி சரஸ்வதி பூஜை அன்று மாலை 5 மணிக்கு ஸ்ரீரங்கநாச்சியாா் மூலஸ்தானத்திலிருந்து புறப்பட்டு 5.30 மணிக்கு கொலு மண்டபம் வந்து சேருகிறாா்.அங்கு 6.30 மணி முதல் இரவு 8 மணி வரை திருமஞ்சனம் கண்டருளுகிறாா். பின்னா் 10.30 மணிக்கு புறப்பட்டு, படிப்புக் கண்டருளி 11.15 மணிக்கு மூலஸ்தானம் சென்று சேருகிறாா். ஏற்பாடுகளை கோயில் இணை ஆணையா் செ. மாரியப்பன் மற்றும் கோயில் பணியாளா்கள் செய்கின்றனா்.