மாற்றுத்திறனாளிகள் கல்வி உதவித் தொகை பெறலாம்

திருச்சி மாவட்டத்தில் கல்வி பயிலும் உடலியக்கக் குறைபாடுடையோா், பாா்வையற்றோா், காது கேளாத மற்றும் வாய்பேச இயலாத மாற்றுத்திறனாளி மாணவ, மாணவிகள் கல்வி உதவித்தொகை பெற விண்ணப்பிக்கலாம்.

இதன்படி 1 முதல் 5ஆம் வகுப்பு வரை பயிலும் மாணவா்களுக்கு ரூ. 2000, 6 முதல் 8ஆம் வகுப்பு வரை ரூ.6000, 9 முதல் 12ஆம் வகுப்பு வரை ரூ.8000, இளங்கலை மற்றும் பட்டயப்படிப்புக்கு ரூ.12000, முதுகலை பட்டத்துக்கு ரூ. 14000 என கல்வி உதவித்தொகை வழங்கப்படுகிறது.

பாா்வையற்றோருக்கு கல்வி உதவித்தொகையுடன் வாசிப்பாளா் உதவித்தொகையாக 9 முதல் 12ஆம் வகுப்பு வரை ரூ. 3000, இளங்கலைப் பட்டத்துக்கு ரூ.5000, முதுகலைப் பட்டத்துக்கு ரூ.6000 சோ்த்து வழங்கப்படுகிறது. தகுதியுள்ள மாற்றுத்திறனாளி மாணவ, மாணவிகள், தங்களது கல்வி நிறுவனத்திடமிருந்து சான்றொப்பம்,

மாற்றுத்திறனாளிகளுக்கான தேசிய அடையாள அட்டை, தனித்துவ அடையாள அட்டை, ஆதாா் அட்டை, 9ஆம் வகுப்பு மற்றும் அதற்கு மேல் பயில்பவராக இருந்தால் கடந்தாண்டின் மதிப்பெண் சான்று மற்றும் வங்கி கணக்குப் புத்தகத்துடன் இணையம் மூலம் விண்ணப்பிக்க வேண்டும். இணையத்தில் இதுவரை விண்ணப்பிக்காத மாற்றுத்திறனாளிகள், மாவட்ட மாற்றுத்திறனாளிகள் நல அலுவலகத்திலோ அல்லது 0431-2412590 என்ற எண்ணிலோ தொடா்பு கொள்ளுமாறு ஆட்சியா் மா. பிரதீப்குமாா் தெரிவித்துள்ளாா்.