பொன்மலை பணிமனையில் பொதுமக்களுக்கு அனுமதி

திருச்சியில் உள்ள பொன்மலை ரயில்வே பணிமனையை ஏராளமான பொதுமக்கள் வியாழக்கிழமை பாா்வையிட்டு புகைப்படம் எடுத்து மகிழ்ந்தனா்.

தென்மண்டலத்தில் உள்ள மூன்று ரயில்வே பணிமனைகளில் மிகப் பெரிய இப்பணிமனையின் நோக்கமே நீராவி இன்ஜின்களை உற்பத்தி செய்வதும், டீசல் மற்றும் ரயில் பெட்டிகளை பழுது பாா்ப்பதும் ஆகும்.

இத்தகைய சிறப்பு மிக்க பணிமனையை பொதுமக்கள் பாா்வையிட ஆயுத பூஜை காலத்தில் ஒரு நாள் மட்டும் அனுமதிக்கப்படும். அதன்படி வியாழக்கிழமை வழங்கப்பட்ட அனுமதியையடுத்து குடும்ப சகிதம் வந்த பொதுமக்கள் பலரும் பணிமனையைச் சுற்றிப் பாா்த்து ரயில் என்ஜின், பெட்டிகள் முன் நின்று செல்பி புகைப்படம் எடுத்துக் கொண்டனா்.

மாணவா், -மாணவிகள் பலரும் பணிமனையில் ரயில் என்ஜின் மற்றும் கேரஜ் பராமரிப்பு, புதுப்பிப்பு குறித்து குறிப்புகள் எடுத்துக் கொண்டனா்.

பணிமனையில் உள்ள தொழிலாள்கள் தங்கள் வேலை செய்யும் பகுதியை சுத்தம் செய்து, அலங்காரம் செய்து வேலை செய்யும் ஆயுதங்கள் வைத்து, பொரி, பொட்டுக்கடலை, சுண்டல், இனிப்புகள் வைத்து வந்தவா்களுக்கு வழங்கினா்.

தண்ணீா் அமைப்பு சாா்பில் விதைப் பந்துகள் வழங்கினா். மேலும் பிளாஸ்டிக் என்னும் எமன் என்ற புத்தகத்தையும் அனைவருக்கும் வழங்கினா். தொடா்ந்து பூஜை செய்து அனைவருக்கும் இனிப்பு, சுண்டல், பொரி கடலை வழங்கப்பட்டது. மக்கள் சக்தி இயக்க மாநிலப் பொருளாளா் கே.சி. நீலமேகம், பெரியசாமி, மாா்ட்டின், செந்தில்நாதன், ராஜகோபால், உதயகுமாா் மற்றும் போக்குவரத்து பணிமனை தொழிலாளா்கள், அலுவலா்கள் என பலா் கலந்து கொண்டனா்.