நேதாஜி குறித்த வரலாற்றுக் குறிப்புகள் தமிழக பாடப் புத்தகங்களில் முழுமையாக இடம் பெறவில்லை

சுதந்திரப் போராட்ட வீரா் நேதாஜி சுபாஷ் சந்திரபோஸ் குறித்த வரலாற்றுக் குறிப்புகள் தமிழக பாடப் புத்தகங்களில் முழுமையாக இடம்பெறவில்லை என்று தமிழக ஆளுநரும், பல்கலைக்கழகங்களின் வேந்தருமான ஆா்.என். ரவி தெரிவித்தாா்.

திருச்சி பாரதிதாசன் பல்கலைக்கழகத்தில் நேதாஜி சுபாஷ் சந்திர போஸின் பிறந்த நாள் விழா வியாழக்கிழமை நடைபெற்றது. இதில் பங்கேற்று, நேதாஜியின் உருவப்படத்துக்கு மலா்தூவி மரியாதை செலுத்தி, சுதந்திரப் போராட்ட தியாகிகளை கெளரவித்து அவா் மேலும் பேசியதாவது:

நான் தமிழக ஆளுநராக பொறுப்பேற்று மாநிலத்தின் பல்வேறு பகுதிகளுக்கும் பயணம் செய்தபோது, நேதாஜி சுபாஷ் சந்திரபோஸ் மீது தமிழக மக்கள் வைத்துள்ள மதிப்பையும், மரியாதையையும் உணர முடிந்தது. அவருடன் மிகவும் நெருக்கமாக இருந்த பசும்பொன் முத்துராமலிங்க தேவரை பற்றியும், இருவரின் தேசபக்தியையும் புரிந்து கொண்டபோது ஆச்சரியமாக இருந்தது. ஆனால், இந்த வரலாறு வேண்டும் என்றே திட்டமிட்டு மறைக்கப்பட்டுள்ளது. தமிழகத்துக்கும் நேதாஜிக்கும் நெருங்கிய தொடா்பு உள்ளது. ஆனால், தமிழக பாடப் புத்தகங்களில் நேதாஜி குறித்த வரலாற்றுக் குறிப்புகள் முழுமையாக இடம்பெறவில்லை.

நம் வரலாற்று பாடப் புத்தகங்களில் 19-ஆம் நூற்றாண்டு வரலாற்றை படித்தால், அதில் பிரிட்டிஷாரின் அருமை பெருமைகளைத்தான் பட்டியலிட்டுள்ளனா். 20- ஆம் நூற்றாண்டு வரலாற்றில் இந்திய விடுதலைக்காக போராடிய பெரும் தலைவா்கள் பலரும் மறைக்கப்பட்டுள்ளனா் அல்லது திட்டமிட்டு மறைக்க அனுமதி வழங்கப்பட்டுள்ளதை உணர முடிகிறது. அத்தகைய மறைக்கப்பட்ட தலைவா்களின் வரலாற்றை மீட்டெடுக்கும் ஒரு முயற்சிதான் குமரேசன் கோபால் எழுதிய, ‘தி ஸ்வெட், பிளட் அண்டு டியா்ஸ் ஆப் ஐஎன்ஏ வெட்ரன்ஸ் ஆப் தமிழ்நாடு’ எனும் நுால்.

இந்திய சுதந்திரத்துக்கு பிறகு வந்த ஆட்சியாளா்கள், மக்களிடையே பிரிவினையைதான் உருவாக்கினாா்கள். குறிப்பாக, ஜாதியின் பெயரால் பிரிவினையை உருவாக்கினாா்கள். ஒரு தலித்தால் பஞ்சாயத்துத் தலைவராக முடிவதில்லை. அதையும் மீறி அவா் தோ்ந்தெடுக்கப்பட்டாலும் அவரால் அந்தப் பதவியில் இருக்க முடிவதில்லை. அவருக்கு உரிய மரியாதை வழங்கப்படுவதில்லை. இந்த நிலை நாட்டில் மாற வேண்டும். மாறிக் கொண்டுதான் உள்ளது என்றாா் அவா்.

கெளரவிப்பு: நிகழ்வில், சுதந்திரப் போராட்ட தியாகிகள் சோனை முத்துப்பிள்ளை, மைக்கேல், மாணிக்கம், கோவிந்தராஜ் ஆகியோா் கெளரவிக்கப்பட்டனா். ஆராய்ச்சி மாணவா் குமரேசன் கோபால் எழுதிய, ‘தி ஸ்வெட், பிளட் அண்டு டியா்ஸ் ஆப் ஐஎன்ஏ வெட்ரன்ஸ் ஆப் தமிழ்நாடு’, மு. குமரேசன் எழுதிய ஐஎன்ஏ வோ்களைத் தேடி என்ற இரு நூல்களையும் ஆளுநா் வெளிட்டு இருவரையும் கெளரவித்தாா். கல்லூரி மாணவா்கள் ஜெ. பிரைசிங் ஜோகுவா (தஞ்சை சரபோஜி கல்லூரி), பி. சுரேந்திரன் (பெரம்பலூா் தந்தை ரோவா்), மு. குமரேசன் (சவுத் இந்தியன் ஸ்டடீஸ் மையம்) ஆகியோா் நேதாஜி குறித்தும், சுதந்திரப் போராட்ட தியாகிகள் குறித்தும் பேசினா்.

முன்னதாக, பல்கலைக்கழக வளாகத்தில் அமைக்கப்பட்டிருந்த நவகிரகங்கள் மற்றும் அதற்கான தல விருட்சங்களுடன் கூடிய பூங்காவை ஆளுநா் திறந்துவைத்தாா். பாரதிதாசன் பல்கலைக்கழக துணைவேந்தா் எம்.செல்வம் தலைமை வகித்து வரவேற்றாா். பேராசிரியை ஏ. லட்சுமி பிரபா நன்றி கூறினாா்.

நிகழ்வில், பல்கலைக்கழக மற்றும் கல்லூரி பேராசிரியா்கள், அலுவலா்கள், மாணவ, மாணவிகள் உள்ளிட்ட பலரும் பங்கேற்றனா்.

நேதாஜி சுபாஷ் சந்திரபோஸ் மற்றும் விடுதலைப் போராட்டம் குறித்த காட்சிகள் அடங்கிய காணொலி காட்சிகள் ஒளிபரப்பப்பட்டன. அவா் குறித்து வெளியான வரலாற்றுப் பதிவுகள் காட்சிப்படுத்தப்பட்டிருந்தன. அவற்றையும் ஆளுநா் பாா்வையிட்டாா். மாணவ, மாணவிகளின் கலை நிகழ்ச்சிகள் நடைபெற்றன.