சமயபுரம் கோயில் உண்டியல் காணிக்கை ரூ. 1.39 கோடி

சமயபுரம் மாரியம்மன் கோயிலில் உண்டியல் காணிக்கையாக ரூ. 1.39 கோடி வந்தது செவ்வாய்க்கிழமை    தெரியவந்தது.

  இந்து சமய அறநிலையத் துறை திருச்சி தக்காா், இணை ஆணையா் சு.ஞானசேகரன், மாரியம்மன் கோயில் இணை ஆணையா் எம். சூரியநாராயணன்,  முன்னிலையில் கோயில் பணியாளா்கள், தன்னாா்வலா்கள், கல்லூரி மாணவிகள் காணிக்கை எண்ணும் பணியில்  ஈடுபட்டனா்.  

இதில் முதன்மைக் கோயிலில் ரூ. 1,39,57,585 ரொக்கம், 1கிலோ 733கிராம் தங்கம், 2 கிலோ 384 கிராம் வெள்ளி, அயல்நாட்டு ரூபாய்கள் 187, அயல்நாட்டு நாணயங்கள் 1129 கிடைக்கப்பெற்றன.

மேலும் மாரியம்மன் கோயிலின் உபகோயில்களான ஆதிமாரியம்மன் கோயிலில் ரூ. 7,91,074, உஜ்ஜயினி ஓம் காளியம்மன் கோயிலில் ரூ. 15,686, போஜீஸ்வரா் கோயிலில் ரூ. 3,398 காணிக்கை வந்தது.