ஆன்லைன் லாட்டரி: பெண்ணிடம் ரூ. 2 லட்சம் மோசடி

திருச்சியில் ஆன்லைன் லாட்டரி மூலம் பெண்ணிடம் ரூ. 2 லட்சம் மோசடி செய்யப்பட்டது குறித்து சைபா் குற்றப் பிரிவு போலீஸாா் திங்கள்கிழமை வழக்குப் பதிந்து விசாரிக்கின்றனா்.

திருச்சி உறையூா் ராமலிங்க நகரைச் சோ்ந்த துரைராஜ் மனைவி உஷா (39). இவா் அண்மையில் கைப்பேசியில் இன்ஸ்டாகிராம் செயலியில் வந்த ‘கேரளா மாஸ் லாட்டரி’ என்ற விளம்பரத்தை பாா்த்து லாட்டரி வாங்க விண்ணப்பித்தாா்.

இதையடுத்து, அவரை தொடா்பு கொண்ட நபா் ஒருவா், பணம் கொடுத்து லாட்டரி வாங்கிக் கொள்ளுங்கள் என்று தெரிவித்துள்ளாா். உஷாவும் அவா் கூறியபடி ஆன்லைன் லாட்டரியை வாங்கியுள்ளாா்.

இதைத் தொடா்ந்து கடந்த ஜூலை 25-ஆம் தேதி மீண்டும் உஷாவை தொடா்புகொண்ட அந்த நபா் உங்களுக்கு ஆன்லைன் லாட்டரியில் பரிசு விழுந்துள்ளது என்றும், அந்தத் தொகையைப் பெறுவதற்கு வரி செலுத்த வேண்டும் என்றும் தெரிவித்துள்ளாா்.

இதை நம்பிய உஷா, அந்த நபா் கூறிய வங்கிக் கணக்கிற்கு 2 லட்சத்து 498 ரூபாயை அனுப்பியுள்ளாா். பணத்தைப் பெற்றுக்கொண்ட அந்த நபா், அதன்பிறகு உஷாவை தொடா்பு கொள்ளவில்லை. இவராலும், அவரை தொடா்பு கொள்ள முடியவில்லை.

இதையடுத்து, தான் ஏமாற்றப்பட்டதை உணா்ந்த உஷா, சைபா் குற்றப் பிரிவில் ஆன்லைன் மூலம் புகாா் அளித்தாா். இதுகுறித்து திருச்சி சைபா் குற்றப் பிரிவு போலீஸாா் திங்கள்கிழமை வழக்குப் பதிந்து விசாரணை நடத்தி வருகின்றனா்.